sarayéwudimu démokratiye nöwiti orunlashturulidu
ete (29 – iyul) kechte bosniye – gértségowina paytexti sarayéwudiki tarixiy bashcharshi meydanida «tik tur igilme, bosniye – gértségowina sen bilen birge» shoari astida démokratiye nöwiti bolidu.
türkiye awazi radiyosi xewiri: ete kechte «türk – bosniye gértségowina soda – karxanichilar jemiyiti» (TUBSİAD) ning teshkillishi we bosniye – gértségowinada paaliyet qiliwatqan 17 ijtimaiy teshkilatning qollishi astida, fethullahchi térrorluq teshkilati (FETÖ) ning herbiy – siyasiy özgirish qozghash urunushigha naraziliq bildürüsh, türkiye hökümiti we jumhur reis rejep tayyip erdoghanni qollash meqsitide «démokratiye nöwiti» orunlashturulidu.
türk – bosniye gértségowina soda – karxanichilar jemiyiti bu heqte élan qilghan bayanatida, bosniye – gértségowina xelqining türkiyediki herbiy – siyasiy özgirish qozghashqa urunush qilmishini qattiq eyibleydighanliqini eskertip: «türkiyening birlik-ittipaqiliqini yotturidin yoq qilishni xalaydighanlar burundin tartip hergizmu niyitige yételmey keldi, hem yételmeydu. türkiye xelqi burunqigha oxshash, bügün we etimu bu yamanliqlargha qarshi béshini tik tutup mewjut bolup turidu» dédi. türkiyede emelge ashurulmaqchi bolghan ishning aqiwitini hemme kishining yaxshi bilishi kérekliki tekitlengen bayanatta yene mundaq déyildi:
«türkiyede milliy iradige qarshi herbiy özgirish qozghashqa urunush qilmishi yüz berdi. buninggha qarita pozitsiyenglarni bildürüp, naraziliqinglarni ipadilenglar.»
sarayéwuda yashaydighan türkiye puqraliridin bashqa nurghunlighan bosniyelikler ishtirak qilidighan démokratiye nöwitide, 18 ijtimaiy teshkilatning ortaq xitabnamisi oqulidu.
مۇناسىۋەتلىك خەۋەرلەر
gérmaniyede bir qehwexanida partlash yüz berdi
gérmaniyening kölin shehiridiki bir qehwexanida yüz bergen partlashta ikki kishi yénik yarilandi.
