amérikida türkiyedige oxshash herbiy-siyasiy isyan yüz bergen bolsa némiler yüz bergen bolatti?

türkiye awazi radiyosi xewiri: Youtube ta 15-iyul kéchide türkiyede yüz bergen herbiy-siyasiy isyan amérika qoshma ishtatlirida yüz bérip qalsa némilerning yüz béridighanliqini teswirleydighan bir widio élan qilindi.

Youtube qa Brkn téléwiziye adrisidin qachilanghan 3 minutluq ingilizche widioda, meghlubiyet bilen axirlashqan qanliq herbiy-siyasiy isyan amérikida yüz bérip qalghan teqdirde némilerning yüz béridighanliqi teswirlenmekte.

widioda amérikini nishan qilghan hujumni mezmun qilghan « Olympus Has Fallen »filimdin sirt bezi téléwiziye qanalliridin élinghan körünüshlerning 15-iyul kéchige tewe widiolar bilen birleshtürülgenliki texmin qilinmaqta.

herbiy-siyasiy isyan chiqarghuchilarning türkiye büyük millet mejlisini bombardiman qilishidin ilham élip, amérika mejlis binasi bombardiman qilinghanliqi xiyal qilinghan widio, amérika pirizédénti qalidighan méhmansarayning alahide heriket qisimliri bilen tolghan 3 tik uchar teripidin hujumgha uchrighanliqi we pirizédéntning axirqi minutlarda qutulup qalghanliqi, amérika mudapie ministirining öz eskerliri teripidin qiyin-qistaqqa uchrighanliqi, niyuyork shehiridiki Brooklyn köwrükining tankilar teripidin taqiwétilghanliqi, xelqqe oq échilghanliqi, 200din artuq ademning ölgenliki,  CNN , Fox we CBS qanallirining tarqitishlirigha cheklime qoyulghanliqi, niyuyork we paytext washingitonda amérika hawa armiyesi ayropilanlirining töwen uchqanliqi, amérikining eng muhim organliridin xelqara istxbarat orgini CIA bilen dölet xewpsizlik orgini NSA ning  tik ucharlar teripidin étip chüshürülgenliki teswirlinidu.

fethullachi térrorluq teshkilati ezaliri teripidin türkiyede chiqirilghan herbiy-siyasiy isyangha muwapiq shekilde teyyarlanghan widioda, amérika pirizédéntining xelqqe xitap qilghanliqi, herbiy-siyasiy isyan chiqarghan uchquchilar heydigen  F-16 tipliq urush ayropilanlirining amérika pirizédénti ayropilani Air Force One ni hawada izdigenliki, amérika miqyasida chérkaw zillirining chalghanliqi, yük mashinisi heydigen ayallarning meydanlargha kishilerni  yötkigenlikimu teswirlinidu.

widioning axirida herbiy-siyasiy isyan chiqarghan fethullachi térrorluq teshkilatining kattiwéshi fetullah gülenning saylorsburgdiki qonalghusining körünüshlirige orun ajritilip, «eger bu isyanning keynidiki bir kishining 8000 kilométir yiraqliqta xatirjem yashishini texmin qilsingiz némilerni oylighan bolattingiz?»déyilip, amérikining herbiy-siyasiiy isyanni pilanlighan kiishning dölitige qayturulushini telep qilghanliqi tekitlinidu.

widioni https://www.youtube.com/watch?v=jMkXgiyqLDY tor bétidin körgili bolidu.