yawropa komitéti bashliqi engliyelik siyasetchilerni eyiblidi

türkiye awazi radiyosi xewiri: yawropa komitéti bashliqi jan kilod yunkér engliyening yawropa ittipaqidin ayrilish mesilsii heqqide toxtilip, «heqiqiy wetenperwerler ish qiyinlashqanda parxottin chüshüp ketmeydu» dédi we engliyelik siyasetchilerdin boris jansin bilen nayjil farajni közde tutqan halda, «tünügünning engliyening yawropa ittipaqidin ayrilish qehrimanliri bügünning epsuslanghan yawropa ittipaqidin ayrilish qehrimanliri boldi» dégenlerni qeyt qildi.

u, «heqiqiy wetenperwerler ishlar qiyinlashqanda istipa bermeydu, ishini dawamlashturidu» dédi.

omumiy xelq bélet tashlash paaliyitidin kéyin boris jansin bash ministirliq üchün namzat bolmaydighanliqini, nayjil faraj bolsa, partiye bashliqliqidin istipa bergenlikini élan qilghanidi.

yene bir tereptin, engliyede bash ministir déywid keméron wezipisidin istipa bergendin kéyin konsérwatiplarning partiye ichidiki rehberlik riqabetliri qizip ketti. konsérwatiplar partiyesi ichide ötküzülgen yéngi rehber we bash ministirni békitidighan saylamning deslepki basquchida ichki ishlar ministiri térésa méy ghelibe qildi؛ parlamént ezaliri arisida ötküzülgen bélet tashlashtin ilgiri ghelibe qazinish pursiti eng yuqiri namzat, dep qariliwatqan méy 165, andréa lédsim 66 awazgha érishti. partiye ezaliri eng köp parlamént ezasining qollishigha érishken ikki namzat arisida saylam ötküzidighan bolup, kimning ghelibe qilghanliqi 9 – séntebirde mueyyenlishidu.