daéshchilar bangladéshta 17 chet ellikni qetli qildi

türkiye awazi radiyosi xewiri: bangladéshning paytexti dakkadiki diplomatik rayondiki bir réstoranda texminen 35 kishi görüge éliniwélinghan herikette, qetli qilinghan 20 kishidin 7sining yapon ikenliki bildürüldi.

yaponiye hökümiti bayanatchisi yoshihidé suga hujumda 5 er, 2 ayal bolup jemiy 7 yapon puqrasining ölgenlikini uqturdi.

yaponiye hökümitining dakkada élip bériwatqan yardem layihe xizmetliride meslihetchi bolup ishlewatqan 8yaponiye puqrasining weqe esnasida réstoranda ikenliki, daéshchilar bu esnada réstorangha bésip kirip ular qoshulup réstorandikilerni görüge alghanliqi, buninggha qarita qutquzush herikitide qutquzup qélinghan yarilanghan bir yaponning doxturxanida dawaliniwatqanliqi bildürüldi.

hazirghiche hujumda ölgenler ichide 9 italiyelik, 7 yaponiyelik we 1 hindistanliq barliqi mueyyenleshtürüldi.

daésh térrorchiliri elchixana binalirimu bolghan gülshen rayondiki bir réstorangha hujum qozghap, yüzlerche xewpsizlik xadimliri bilen herbiy aptomobillarmu qatnashturulghan herbiy heriket esnasida 20 görüge élinghuchini öltürgenidi.  

alaqidar mesullar zorawanlarning birining nazaret astigha élinghanliqini, 6sining öltürülgenlikini, 13 görüge élinghuchining qutquzup qélinghanliqini uqturdi.

görüge élinghuchilarning salahiyiti élan qilinmidi, zorawanlar bilen toqunushqan saqchilardin 2si öldi, texminen 30 saqchi yarilandi.