israiliye eskerliri bir pelestinlik ayalni étip öltürdi
gherbiy qirghaq we sherqiy quddus 1967 – yilidin buyan israiliyening ishghaliyiti astida turmaqta.
türkiye awazi radiyosi xewiri: israiliye eskerliri ishghaliyet astidiki gherbiy qirghaqta «aptomobili bilen soqmaqchi boldi» dégenni bahane qilip, bir pelestinlik ayalni étip öltürdi.
israiliye armiyesi teripidin élan qilinghan yazma bayanatta, pelestinlik ayalning gherbiy qirghaqning jenubidiki kiryat arba yohudiylar olturaq rayonigha yéqin jayda, aptombili bilen soqup 2 israiliye eskirini yénik yaridar qilghanliqi ilgiri sürüldi.
bayanatta yaridar bolghan eskerlerning duoxturghanigha élip kétilgenliki, hujumni sadir qilghanliqi ilgiri sürülgen pelestinlik ayalning bolsa, weqe yüz bergen jayda israiliye eskerliri teripidin étip öltürülgenliki qeyt qilindi.
gherbiy qirghaq we sherqiy quddus 1967 – yilidin buyan israiliyening ishghaliyiti astida turmaqta.
gherbiy qirghaqta texminen 500 ming, sherqiy quddusta 200 ming etrapida yehudiy küchmenler yashimaqta.
xelqara jamaetchilik ishghaliyet astidiki pelestin zéminlirida yashawatqan yehudiylarni «qanunsiz yerleshküchiler» dep qaraydu.
