nato 4 döletke esker orunlashturushni qarar qildi

türkiye awazi radiyosi xewiri: bélgiyening paytexti biryusséldiki türkiyege wakaliten dölet mudapie ministiri fikri ishiq ishtirak qilghan nato mudapie ministirliri yighinining birinchi künide, hem rusiyege qarshi tashlinidighan qedemler, hem aldimizdiki ayda chaqirilidighan warshowa yighinining küntertipi mueyyleshtürüldi.

nato bash katipi yéns stolténbérg muxbirlarni kütüwélish yighini ötküzüp, muzakirilerde natoning xewplerge taqabil turush we  mudapiesining kücheytilishi üchün yéngi tedbirlerni yolgha qoyush toghrisida birlik hasil qilinghanliqini eskertti.

natoning hazir halette turush qisimliri sanini 3 hesse ashurghanliqini we jiddiy mudaxile qilish qisimlirining bir qanche kün ichide barliq eza döletlerde wezipe öteshke teyyar haletke kéleleydighan ehwalda ikenlikini eslitip ötken stolténbérg, sherqiy yawropa döletliride 8 yéngi qarargah qurulghanliqini éytti.

stolténbérg, natoning ittipaqning sherqidiki mewjudiyitini kücheytishini qarar qilghanliqini tilgha alghan halda, «nato nöwetleshken halda létwaniye, latwiye, éstoniye we polshagha küchlük, köp milletlik 4 bataliyon esker orunlashturidu. shuning bilen bir waqitta nato, qara déngiz rayonidiki mudapie we taqabil turush küchini ashurush üchün qoshumche tedbirlerni yolgha qoyidu. eger herqandaq bir ittipaqdéshimiz hujumgha uchrap qalsa, pütkül ittipaq bir gewde halitide jawab qayturidu» dédi.

natoning toqunush peyda qilishning koyida emeslikini eskertken stolténbérg, «rusiye bilen heqiqetenmu ijabiy diyalog ornitishni xalaymiz, lékin, ittipaqdashlirimizni her türlük tehditlerdin muwapie qilimiz» dédi.

nato bash katipi stolténbérg, hawa, déngiz we quruqluqtikige oxshashla tor sahenimu heriket sahesi, dep qobul qilishni qarar qilghanliqlirini tilgha alghan halda, «tor dunyasidiki mudapie ortaq mudapiening bir parchisi» dégenlerni qeyt qildi.