bir musulman qizi kanadaning «eng ilghar méngisi»bolup bahalandi

türkiyediki melum bir gézitte xewer qilinishche, kanada miqyasidiki pütkül toluq ottura mektep oqughuchiliri arisida ötküzülgen «memliketlik ménge herisi» musabiqisde 17 yashliq musulman bir qiz birinchi bolghan.

wotérlo shehiridin musabiqige qatnashqan noran abumazen isimlik 17 yashliq musulman bir qiz oqughuchi, kanada miqiyasidiki yüzlerche reqibini keynide qaldurup, «kanadaning eng ilghar mingisi»dégen unwangha érishti. hamilton shehiridiki makmastér uniwirsitéti nérwa késellikliri bölümi piroféssorliri teripidin émtihan élinghan noran abumazen ménge we nérwa késellikliri sahesige bolghan qiziqishi we emeliy qabiliyiti bilen birichilikke érishti. noran abumazen musabiqe axirida 1500 dollar oqush mukapatigha ériship, hamilton makmastér uniwirsitétida nérwa késellikliri bölümige qobul qilindi.

noran abumazen 30-iyundin 4-iyulghiche daniyening paytexti kopénhagda ötküzülidighan dunya ménge heriliri chémpiyonluqni talishish musabiqisige kanadagha wakaliten qatnishidu.

tunji nöwetliki 1996-yili amérikidiki nérwa késellikliri jemiyiti teripidin uyushturulghan ménge heriliri musabiqisi toluq ottura mektep oqughuchilirining ménge tetqiqatlirigha bolghan qiziqishini ölchesh üchün ötküzülmekte. ménge tetqiqatliri we nérwa késellikliri sahesige qiziqidighan toluq ottura mektepler oqughuchilirini békitp chiqidighan bu musabiqe, dunya miqyasida 35 dölette ötküzülidu, her yili birinchi bolghan mahirlar bir dölette ötküzülidighan xelqara musabiqide bilim dunyasining köz aldida nérwa késelliklirigha bolghan qiziqishi we alahidiliklirini namayen qilidu.