hindistanda qanliq tuqunush yüz berdi

türkiye awazi radiyosi xewiri: hindistanning shimalidiki uttar piradésh ölkiside saqchilarning namayishchilargha mudaxile qilishi netijiside 24 kishi hayatidin ayrildi.

saqchi mesullirining élan qilghan bayanatida, «Swadheen Bharat Subhaş Sena» namliq siyasiy partiyening qollighuchiliri hökümetke teleplirini bildürüsh üchün ötküzgen namayishta, agahlandurushlargha pisent qilmay tarqilip kétishni ret qilghan namayishchilargha saqchilarning mudaxile qilghanliqi we netijide tuqunush yüz bérip 200 kishining qolgha élinghanliqi bildürüldi.

ölke bashliqi axlish yadaw: «jinayetchiler hergiz jazasiz qalmaydu» dédi.

«Swadheen Bharat Subhaş Sena» partiyesining qollighuchiliri texminen 2 yildin buyan döletke tewe 100 géktarliq yerde hökümetke qarshi namayish ötküzüp kelmekte. 

partiye ezaliri we qollighuchiliri hökümetke qarshi namayish ötküzüp néfit bahasining töwenlitilishini telep qilip kelmekte.