xitay hökümiti mudapie xamchotini qisqartti

türkiye awazi radiyosi xewiri: jenubiy xitay seher pochtisi gézitining xewirige qarighanda, xitay dölet reisi shi jinping iqtisadtiki chékinish yüzisidin herbiy xamchotining normal éshish nisbitini dawamlashturalmaydighanliqini eskertip, armiyeni xamchotini éhtiyatchanliq bilen serp qilishqa chaqirghan.

shi jinping herbiy maliyesining muwapiq usulda bashqurulmighanliqini tilgha alghan halda, zor miqdarda maliye telep qilidighan chong pilan – layihelerdin yiraq turushi kéreklikini tekitlidi. xewerde yene, maliyening kirimning az, chiqimning köp bolushtek halet netijiside otturigha chiqqan iqtisadiy astilash sharaitida herbiy serpiyatlarni normal halette ashurushning asangha toxtimaydighanliqini alahide tekitlidi.

xitay iqtisadiy tereqqiyat süritining astilishi mudapie xamchotighimu tesir körsetti؛ mudapie xamchoti %7.6 ashuruldi, bu, yéqinqi alte yilning mabeynidiki eng töwen éshish bolup hésablinidu.

döletning mudapie xamchoti 2015 – yili %10.1 ashurulghanidi.