«y p g ning térrorluq teshkilati p k k bilen alaqisi bar»
amérika qoshma ishtatlirining demeshq bash elchisi robért ford amérika qollawatqan y p g ning térrorluq teshkilati p k k bilen alaqisi barliqini éytti.
türkiye awazi radiyosi xewiri: amérika dölet mejlisi tashqi munasiwetler komitétida ötküzülgen «süriyediki urush: kirizisni yéniklitishte kéyinki qedem» témiliq yighinda söz qilghan ford térrorluq teshkilati p k k we uning süriyediki quyruqchisi p y d ning süriyening shimalida döletning zémin pütünlükini ayagh asti qilip, étnik bir dölet qurushni pilanlawatqanliqini éytti.
p y d ning b pilanining türkiyege qarita tehdit shekillendüridighanliqini, türkiyeningmu buninggha qattiq inkas qayturush hoquqi barliqini tekitligen ford amérika qoshma ishtatliri yardem bériwatqan y p g ning térrorluq teshkilati p k k bilen alaqisi barliqi toghruluq agahlandurushta boldi hemde rayonda daéshqa qarshi urush qiliwatqan bashqa guruppilarningmu barliqini tekitlep mundaq dédi: «rayonda hem daéshqa hem beshshar esedke qarshi urush qiliwatqan bashqa guruppilarmu bar. halbuki, ular p y d ge oxshash héchqachan sirtning yardimini almidi. shunga amérikining daéshqa qarshi kürishide y p g ning ornini toldurghili bolmaydighan bir unsur ikenlikige ishenmeymen.»
مۇناسىۋەتلىك خەۋەرلەر
amérika ukrainagha 2 milyard dollar yardem béridu
amérika qoshma ishtatliri ukrainagha 2 milyard dollar yardem béridu.
afghanistanda herbiy tik uchar chüshüp ketti
afghanistanning ghor wilayitide bir herbiy tik uchar ayropilan derya qirghiqigha chüshüp ketti.