awstriye chégrasini tikenlik sim bilen chitlashqa teyyarlanmaqta
awstriye italiyedin kiridighan köchmenlerning aldini élish meqsitide aliplar tagh tizmisidiki chégrasini tikenlik sim bilen chitlashqa teyyarlanmaqta.
türkiye awazi radiyosi xewiri: awstriyening qararigha naraziliq bildürüsh üchün toplanghan yüzlerche namayishchi, awstriye – italiye chégrasidiki brénnér chégra éghizida saqchilar bilen toqunushti؛ italiye saqchiliri namayishchilarni yash aqquzush bombisi we kalteklerni ishlitip qattiq mudaxile qilish arqiliq tarqaqlashturdi. toqunushta bir saqchi yarilandi, 10 din artuq namayishchi nazaret astigha élindi.
awstriye ichki ishlar ministiri bu yil bir milyon köchmenning liwiyedin italiyege ötüshke teyyarliniwatqanliqini ilgiri sürdi.
awstriye hökümiti ötken hepte italiye chégrasidiki ötüshni kontrolluq astigha élish üchün sim bilen chitlash mumkinchilikining barliqini élan qilghan, italiye bash ministiri mattéo renzi bolsa, «bu pozitsiyedin xewer tépip endikip kettuq» dégenidi.
