gérmaniyede bir jame hujumgha uchridi
gérmaniyening saar wilayitide bir jamege bir türküm kishiler may botulkisi atti.
türkiye awazi radiyosi xewiri: gérmaniyening saar wilayitidiki nunkirchén shehiride bir jame hujumgha uchridi.
weqede yarilanghanlar bolmidi. saqchilarning bildürüshiche, bixeterlik kamériliridiki körünüshler üstide élip bérilghan tekshürüshler netijiside salahiyiti namelum ikki kishi yekshenbe küni jamening hoylisigha ikki may botulkisi atqan we may botulkiliridin birining ichidiki maygha ot ketken, biraq ot özlükidin öchüp qalghan. jamemu ziyangha uchrimighan.
wilayetlik saqchi idarisining siyasiy ishlar ishxanisi weqe üstide tekshürüsh élip bardi. saqchi idarisi bayanatchisi bu weqening chet ellik yaki islam düshmenliki hujumi bolush éhtimalining barliqini, tekshürüshlerning etrapliq élip bériliwatqanliqini uqturdi.
gérmaniyede kéyinki künlerde jamelerdin sirt bolupmu musapirlar lagérlirigha qilinghan hujumlarning sanida éshish körülmekte.
