iraqning paytexti baghdadta üch amérikiliqning tutup kétilgenliki bildürüldi
amérika qoshma ishtatliri tashqi ishlar ministirliqi bayanatchisi jon kérbay ‹tutup kétildi› démigen bolsimu xewerni jezmleshtürdi.
türkiye awazi radiyosi xewiri: amérika qoshma ishtatliri tashqi ishlar ministirliqi bayanatchisi jon kérbay, ‹tutup kétildi› dégen ibarini ishletmigen bolsimu, baghdadta 3 amérikiliqning yoqap ketkenlikini jezmleshtürdi.
amérika tashqi ishlar ministirliqi we baghdadta turushluq amérika elchixanisi xadimliri, yoqap ketken kishilerni izdesh xizmetlirini iraq dairiliri bilen özara maslashqan halette élip bériliwatqanliqini élan qildi.
yoqap ketken mezkur 3 amérikiliqning kimliki we salahiyiti toghrisida héchqandaq melumat bérilmigen bolsimu, ularning baghdad dairiliri bilen qoyuq hemkarliq ichide xizmet qiliwatqan kishiler ikenliki eskertildi.
«elerebiyye qanili», mezkur 3 amérikiliqning ashqun qoralliq guruppilar teripidin tutup kétilgenlikini xewer qilghanidi.
