y k p e bilen rusiye arisidiki yirikchilik küchiyip ketti
yawropa kéngishi parlamént ezaliri mejlisi rusiyening bélet tashlash we bashqurush organliridiki wekillik salahiyitini qaytidin toxtitip qoydi.
türkiye awazi radiyosi xewiri: yawropa kéngishi parlamént ezaliri mejlisi (y k p e) ukrainada xelqara qanungha éghir xilapliq qilish qilmishlirining dawamlishiwatqanliqi munasiwiti bilen rusiyening bélet tashlash we bashqurush organliridiki wekillik salahiyitini qaytidin toxtitip qoydi.
rusiyemu yawropa kéngishi parlamént ezaliri mejlisidiki paaliyetlirini mushu yilning axirighiche toxtitip qoyghanliqini jakarlidi.
yawropa kéngishi parlamént ezaliri mejlisi qirimning qoshuwélinishi sewebidin rusiye parlamént heyitining bélet tashlash salahiyitini 2014- yilining axirighiche tonglitip qoyghanidi. mejliste ötküzülgen bélet tashlash paaliyitide rusiyening ukrainada xelqara qanungha éghir xilapliq qilghanliqini ilgiri sürüp, rusiyening bélet tashlash salahiyitini tonglitish qararini 2015- yili aprélghiche uzartishni qarar qildi. qararning rohigha asasen rus parlamént ezaliri eza ellerdiki saylamlarni nazaret qilishqa ewetilidighan közetküchiler heyetlirige qatnishalmaydu we mejliske wakaliten bashqa ellerde wezipige teyinlenmeydu.
rusiye parlamént ezaliri heyiti bashliqimu qararning waqtini uzartishning rusiyeni yawropa kéngishi parlamént ezaliri mejlisidin chékinip chiqish üstide oylinishqa élip barghanliqini eskertip, mejlistiki paaliyetlirini mushu yilning axirighiche bayqut qilidighanliqlirini bildürdi.
