iyordaniye i sh i d ning telipini qobul qildi
daésh / i sh i d bu qétim iyordaniyelik uchquchi bilen yaponiyelik muxbirni öltüridighanliqini éytip tehdit saldi.
türkiye awazi radiyosi xewiri: kobani (eynulereb) ni xarabilikke aylanduruwetken térrorluq teshkilati daésh bu yerdiki meghlubiyitidin kéyin xelqara birleshme küchlerge doél élan qilishni izchil dawamlashturmaqta.
daésh yéngi bir sin körünüshi tarqitip, görüde tutup turuwatqan iyordaniyelik uchquchi bilen yaponiyelik muxbirni 24 saet ichide öltüridighanliqini uqturdi. yaponiye bash ministiri shinzo abé daéshning bayanatigha ‹peskeshlerche bir ish› dep baha berdi.
daésh iyordaniyelik uchquchi bilen yaponiyelik muxbirni qoyup bérish bedilige térrorluq jinayiti sadir qilish bilen eyiblinip iyordaniye türmiside yétiwatqan iraqliq sajide errishawining qoyup bérilishini telep qildi.
daésh buningdin ilgiri yaponiye hökümitidin 72 saet ichide 200 milyon dollar fidiye bermigen teqdirde, görüde tutup turuwatqan 2 yaponiyelikni öltüridighanliqini jakarlighan, muddet toshqandin kéyin ularning birini öltürüwetkenidi.
yene bir tereptin iyordaniye hökümiti görüdiki uchquchining qoyup bérilishi bedilige sajide errishawini qoyup bérishke teyyar ikenlikini bildürdi.
