kuweyt emri iranda ziyarette boldi

türkiye awazi radiyosi xewiri: seudi erebistan iran bilen söhbet ötküzüshke teyyar ikenlikini élan qilghandin kéyin, yene bir pars qoltuqi döliti kuweytning emri sabah ehmet jabir iranni ziyaret qildi.

wezipige teyinlengen 2006 – yilidin buyan tunji qétim irangha ziyaretke kelgen kuweyt emrige besh ministir hemrah boldi.

bu qétimqi ziyaret, iranda 2013 – yili 3 – awghust pirézidéntliq wezipisini tapshuruwalghan hasan ruhanining pars qoltuqi döletlirige mötidil signallarni bérishidin kéyin emelge ashti.

hasan ruhanining bu teshebbuskarliqi, iranning süriyede qetliam yürgüzgen beshsher esed hakimiyitini qollighanliqi seweblik yirikleshken munasiwetlerni yumshitish üchün bésilghan qedem, dep tehlil qilinmaqta.

kuweyt emri jabir, pirézidént ruhani we iranning diniy rehbiri ayetullah hamanéy bilen körüshidu. körüshüshte ikki dölet munasiwetliridin bashqa, rayonluq mesililermu küntertipke kélidu.

kuweyt hökümiti, iran bilen seudi erebistan arisidiki mesililerning hel qilinishi üchün muressechilik qilalaydighanliqini élan qilghan idi.

seudi erebistan tashqi ishlar weziri suud faysal, iran tashqi ishlar ministirini seudi erebistangha ziyaretke teklip qilghanliqini élan qilghanda, iran bu teklipke ijabiy jawab qayturghan idi.