31.08.2021

«‹elqudsul erebi› géziti», ebuzebining text warisi (muhemmed bin zeyid el nehyan) ning  ereb birleshme xelipiliki  bilen türkiye otturisidiki munasiwetler nacharlashqandin buyan tunji qétim jumhur reis rejep tayyip erdoghan bilen alaqilashqanliqini xewer qildi.

iyordaniyede chiqidighan «‹eddustur› géziti», «bixeterlik doklati agahlandurmeqta. liwanda ijtimaiy partlash muqerrer halgha keldi» serlewhilik xewer élan qildi.

qatarda chiqidighan «‹errayel qeteriyye› géziti», israiliyening gherbiy qirghaqtiki qanunsiz qilmishlirini xatiriligen b d t doklatigha asaslanghanda, 2021-yili 55 pelestinlikning ishghaliyetchilerning oqlirida shehid bolghanliqini xewer qildi.

«gérmaniye awazi radiyosi», gérmaniyening 2021-yilining aldinqi 6 éyida, 47 ming 400 panahlanghuchini qobul qilghanliqini xewer qildi.

gérmaniyening ‹Tagesschau.de› xewerler tori», gérmaniyening pul paxalliqi nisbitining yéqinqi 28 yildiki eng yuqiri sewiyege yetkenlikini we 8-aydiki pul paxalliqi nisbitining %3.9 bolghanliqini xewer qildi.

«‹Wiener Zeitung› géziti», awistiriye bash ministiri sébastiyan kurzning bérlinda wezipisidin ayrilidighan gérmaniye bash ministiri angéla mérkél bilen axirqi qétim körüshkenlikini we  ularning munasiwetlirining hemishe soghuq bolghanliqini xewer qildi.

ispaniyede chiqidighan «‹El Pais› géziti», awstriye bilen polshaning afghanistanliq köchmenlerning kélishini tosush üchün yawropa ittipaqining qattiq qanitigha bashlamchiliq qiliwatqanliqini xewer qildi.

péruda chiqidighan «‹El Comercio› géziti»,  20 yilliq urushtin kéyin, amérikaning afghanistandin chiqip, döletni talibangha tapshurup bergenlikini xewer qildi.

méksikada chiqidighan «‹La Jornada› géziti», méksikadiki saghlamliq xewipidin mudapielinish komitéti (kofépris) ning kuba waksinisi «abdala» toghrisida ijabiy pikir bergenlikini xewer qildi.

rusiyening «<Lenta.ru> xewerler tori», rusiyening b d t da turushluq daimiy wekili wasiliy nébénzyaning: «biz b d t bixeterlik kéngishining afghanistan toghrisidiki qararigha biterep bélet tashliduq» dégenlikini xewer qildi.

rusiyening «‹TASS› agéntliqi, rusiyening irkutsk rayonidiki bir shirketning xitaygha yaghach etkeschiliki qilghanliqi üchün sotqa erz sunulghanliqini xewer qildi.

rusiyening « izwéstiya géziti», ukraina pirézidénti meslihetchisi alékséy aréstowichning rusiye bilen bolghan soda munasiwitini üzüp tashlashning döletke ziyanliq ikenlikini tekitlep, «rusiye bizning beshinchi chong soda shérikimiz» dégenlikini xewer qildi.

firansiyede chiqidighan «‹lé mondé›  géziti», 20 yilliq herbiy mewjutluq we jo baydin hökümitining besh ay kéchikishidin kéyin, eng axirqi amérika eskerlirining kabuldin ayrilghanliqini xewer qildi.

firansiyede chiqidighan «‹lé figaro›  géziti», jenubiy afriqidiki mutexessislerning pewquladde tiz özgirish küchige ige yéngi bir kowid-19  wirusi türini nazaret qiliwatqanliqini xewer qildi.

shiwéyétsariyede chiqidighan «‹lé martin›  géziti», amérika hökümitining kowid-19 yuqumi sewebidin puqralirini «shiwéyétsariyege sayahetke barmasliq» qa chaqirghanliqini xewer qildi.