ایران ینگ گۆلیستان ولایاتی نینگ حأکیمی بالکان ولایاتینا ساپاردا بوُلدی
گۆلیستان ولایاتی نینگ حأکیمی تۆرکمنیستان داقی بالکان آباد ولایاتینا باردی
ایران ینگ گۆلیستان ولایاتی نینگ حأکیمی علی محمد زنگانه و بیله‌لیگیندأکی ایقدیصادی- سیاسی توُپار تۆرکمنیستان ینگ بالکان آباد ولایاتینا ساپار قوردی.
بالکان آباد بیلن قوُنگشی بوُلان ایران ینگ گۆلیستان ولایاتی تۆرکمنیستان ینگ بو ولایاتی بیلن قاتناشیقلارینی اؤسدۆرمه ک ایسله یأر.
ایکی ولایاتینگ آراسیندا کۆممت قاووزداقی اینچه بورون سرحت گِچِلگه‌سیندن ایقدیصادی قاتناشیقلار دوُوام ادیأر.
گۆلیستان ینگ ولایات حأکیمی زنگانه بو ساپاریندا، ایران بیلن تۆرکمنیستان ینگ جمهورباشلیقلاری نینگ آراسیندا قول چکیلن ایلالاشیق شرطناماسی نینگ ایزارلانجاقدیغینی آیتدی.
زنگانه بو ساپاریندا ویزا اولغامی نینگ ینگیلله‌دیلمه‌گی، ایکی ولایاتینگ آراسینداقی یوُللارینگ تعمیری، کۆمۆش دپه ده سرحت بازاری نینگ آچیلماغی، ایکی یوردونگ اؤز میللی پوللاری بیلن ایقدیصادی آراقاتناشیق قورماق، گۆرگن بیلن آشغابادینگ آراسینداقی گؤنی اوچار ساپارلاری، توریسم پوداغی نینگ یوُلا قوُیولماغی و توُزان- چانگ مسئله سی حاقیندا گنگه شیلجکدیگینی آیتدی.
زنگانه "گۆلیستان ولایاتی نینگ یاشاییجیلاری نینگ 700 مۆنگ سانیسی تۆرکمن. شوُنونگ اۆچین تۆرکمنیستان ینگ باش‌کُنسوللیغی نینگ گۆلیستان ولایاتیندا آچیلماغینی ایسله یأریس" دیدی.
ایرانلی ولایات حأکیمی سوُنگقی ایکی ییلدا اینچه بورون گۆمرۆگیندن گۆنده 140 کامیونی نینگ گچیأندیگینی آیتدی.
