"تۆرکمنیستان قالقینیش طبیغی گاز یاتاغیندان 100 ییل گاز چیقاریپ بیلر"

تۆرکمنیستان داقی قالقینیش طبیغی گاز یاتاغی قوری یردأکی طبیغی قوُرلار بوُیونچا دۆنیأده ایکینجی یرده دوریار.

تۆرکمن‌گاز دؤولت کنسرنی نینگ طبیغی گاز گؤزلِه‌گ انستیتوسی نینگ بارلاغحاناسی نینگ باشلیغی ایرینا لوریووا "تۆرکمنیستان ینگ نبیت و گازی- 2022" آدلی حالقارا ماصلاحاتدا قالقینیش طبیغی گاز یاتاغی حاقیندا ماغلومات بردی. شوُل ماغلوماتلارا گؤرأ قالقینیش گاز کأنی (یاشلار و قاراکؤل یاتاقلاری بیلن بیله لیکده) 27 تریلیون مکعب متر طبیغی گاز رزروینه ایه.

بو طبیغی گاز یاتاغیندا 30-آ قوُلای گؤزله‌گ قویوسی بوراولاندی و سیناغ ادیلدی.

قالقینیش دا حأضیرکی واغتدا 47 اؤنۆمچیلیک قویوسی بیلن طبیغی گاز چیقاریلیار.

قالقینیش طبیغی گاز یاتاغیندان بیر گیجه گۆندیزده 1.5 میلیون مکعب متر طبیغی گاز چیقاریلیار. بو موقدار 2 میلیونا دا چیقاریلیپ بیلینر.

حیتای یینگ طبیغی گاز شرکتی CNPC بو موقداری 3 میلیون مکعب متره یتیرمه ک اۆچین شو واغت اۆچ سانی تأزه گاز قویوسینی قازیار.

قالقینیش طبیغی گاز یاتاغیندان تۆرکمنیستان ینگ 100 ییللاپ طبیغی گاز چیقاریپ بیلجکدیگی بیلدیریلیأر.

تۆرکمنیستان دۆنیأده اینگ کؤپ طبیغی گاز رزرولرینه ایه یورتلاردان بیری.

حیتای 2009-نجی ییلدان بأری تۆرکمنیستان دان 340 میلیارد مکعب متر طبیغی گاز ساتین آلدی.