تۆرکیه صناغات پوداغیندا داشاساتوو موقدارینی اؤرأن یوُقارلاتدی

تۆرکیأنینگ صناغات پوداغیندا داشاساتوو موقداری 2021-نجی ییلدا 34 گؤتریم یوُقارلادی.

صناغات پوداغیندا تۆرکیأنینگ داشاساتووی 170 میلیارد 880 میلیون 400 مۆنگ دلارا یتدی.

اؤتن ییل تۆرکیأنینگ داشاساتوو موقداری 32.9 گؤتریم یوُقارلاپ 225 میلیارد 367 میلیون 700 مۆنگ دلارا یتیپدی.

بو تاریحی رکوُردینگ و اۆستۆنلیگینگ ایچینده صناغات پوداغی نینگ دا اولی پایی باردی.

صناغات پوداغینداقی داشاساتوو، تۆرکیأنینگ داشاساتوو موقداری نینگ 75.8 گؤتریمینی اؤزۆنه دگیشلی اتدی.

صناغات پوداغیندا 29 میلیارد 342 میلیون 800 مۆنگ دلار بیلن اینگ کؤپ اتومبیل و یدک پارچا داشاساتووی اؤنگه چیقدی.

شیمیایی ماددالار و اؤنۆملری 25 میلیارد 348 میلیون 500 مۆنگ دلار بیلن ایکینجی اوُرنی ایه له دی.

پوُلات ساتووی دا 22 میلیارد 351 میلیون 400 مۆنگ دلار بیلن اۆچۆنجی بوُلدی.