ایستامبول قوُنالغاسی 8 آیدا 21 میلیون یوُلاغچا حیذمات بردی

ایستامبول قوُنالغاسی اوروپانینگ اینگ کؤپ یوُلاغچا حیذمات برن قوُنالغاسی بوُلدی.

بو قوُنالغا 8 آیدا 20 میلیون 972 مۆنگ 497 یوُلاغچا حیذمات بردی و اوروپادا بیرینجی بوُلدی.

ایستامبول قوُنالغاسیندان 8 آیدا 47 مۆنگ 538 اوچار ایچرکی حاطلاردا، 116 مۆنگ 97 اوچار داشارقی حاطلاردا اوچدی و قوُندی.

ایچرکی حاطلاردا 6 میلیون 291 مۆنگ 783 یوُلاغچا، داشارقی حاطلاردا بوُلسا 14 میلیون 680 مۆنگ 714 یوُلاغچا حیذمات بریلدی.

ایستامبول داقی صابیحا گؤکچن قونالغاسی دا 8 آیدا 11 میلیون 825 مۆنگ 342 یوُلاغچا حیذمات بردی و اوروپادا 4-نجی بوُلدی.

آنتالیا قوُنالغاسی دا 8 میلیون 113 مۆنگ 438 یوُلاغچا حیذمات بردی و اوروپادا 10-نجی بوُلدی.

ایستامبول قوُنالغاسیندان شو ییلینگ آگوست آیی نینگ آحیرینا چنلی 466 مۆنگ 490 تن یۆک أکیدیلدی.

دینگه آگوست آییندا ایستامبول قوُنالغاسی 4 میلیون 563 مۆنگ 735 یوُلاغچا حیذمات بردی.