تۆرکیه داشاساتوودا رکورد قوُیدی

تۆرکیأنینگ داشاساتوو موقداری آگوست آییندا اؤتن ییلینگ آگوست آیینا گؤرأ 52 گؤتریم یوُقارلادی و 18.9 میلیارد دلار بوُلدی.

تۆرکیأنینگ سؤودا وزیری محمت موش، آگوست آیینداقی داشاساتوو موقدارینی بیان اتدی.

موش،

"آگوست آییندا داشاساتوویمیز 18.9 میلیارد دلار بیلن بۆتین آگوست آیلاری نینگ داشاساتووی نینگ رکوردی قوُیولدی. 12 آیلیق داشاساتوویمیز 207 میلیارد 500 میلیون دلار بوُلدی و تۆرکیه جمهوریتی نینگ رکوردی قوُیولدی" دیدی.

تۆرک وزیر شیله دوُوام اتدی:

"یانوار- آگوست دؤورۆنده اؤتن ییلینگ شوُل دؤورۆنه گؤرأ داشاساتوویمیز 37 گؤتریم یوُقارلادی و 140 میلیارد 200 میلیون دلار بوُلدی. شو ییلینگ آحیرینا چنلی داشاساتوویمیزی 210 میلیارد دلارا یتجیرجکدیگیمیزه دوُلی اینایارین. داشاساتووداقی گۆیچلی اؤسۆش بیلن کووید- 19-دان اوُزالقی دؤوردن یوُقاری چیقدیق"