آمریکالی شرکتلرینگ یوُلباشچیلاری أردوُغان بیلن دوشوشیق گچیردی

تۆرکیأنینگ جمهورباشلیغی رجب طیب أردوُغان تۆرکیه بیلن آمریکانینگ 100 میلیارد دلارلیق سؤودا موقدارینا یتمه‌ک اۆچین حوُرمات صارپالی، اوُرتاق بأحبیتلی بیر قاراییشا أتیأچ باردیغینی آیتدی.

أردوُغان آنکارادان آنلاین یاغدایدا آمریکالی شرکتلرینگ یوُلباشچیلاری بیلن ماصلاحات گچیردی.

تۆرکیأنینگ جمهورباشلیغی بو ماصلاحاتدا برن بیاناتیندا کروناویروس بیلن گؤره ش مسئله سی باراسیندا،

"ژوئن آییندا اولی بیر واکسیناسیون حرکتی بیلن، یوردومیزینگ هر یرینده عاداتی یاغدایا قوُوشماغی ماقصات ادینیأریس" دیدی.

تۆرکیأنینگ 1.8 گؤتریم اؤسۆش بیلن حیتای دان سوُنگرا گ- 20 اۆلکه لری نینگ آراسیندا اینگ کؤپ اؤسۆش ادن یورت بوُلاندیغینا اۆنس چکن أردوُغان،

"2021-نجی ییلینگ ایلکینجی دؤرت آییندا داشاساتوویمیز اؤتن ییلینگ شوُل دؤورۆنه گؤرأ 45 گؤتریم یوُقارلادی. کروناویروس یوُقانچ کسلی نینگ تأثیرینه قارامازدان تۆرکیأ مایاقوُیوم ایسله گی اؤرأن یوُقارلادی" دیدی.

تۆرکیه تاراپیندان آمریکا ایبریلن پوِلات و آلومینیوما قوُیولان سالغیتلارینگ دوُغری بوُلماندیغینی آیدان أردوُغان اۆچ قاره نینگ یۆره گی بوُلان تۆرکیأنینگ گلوبال اؤنۆم و تکنولوژی مرکزینه اؤورۆلجکدیگینه اینانیاندیغینی بیلدیردی.