سان اکسپرس آنتالیادان پاریس شهرینه ده اوچار ساپارینی باشلادار

تۆرک هۇوا یۇللاری (THY) شرکتی بیلن آلمانیانینگ لوفت هانزا هۇوا یۇللاری نینگ اۇرتاق شرکتی بۇلان سان اکسپرس ۲۰۲۰-نجی ییلینگ قیش آیلاریندا آنتالیا- اوروپا اوچار ساپارلارینا فرانسیانینگ پایتاغتی پاریس-ی دا قۇشدی.

سان اکسپرس آنتالیادان آلمانیانینگ دوسلدورف، فرانکفورت و مونیخ شهرلرینه ده گۆنلۆک اوچار ساپارلاری نینگ سانینی یۇقارلاتدی.

تۆرک- آلمان شرکتی اتریش ینگ پایتاغتی وین شهرینه ده اوچوش سانینی هِپده ده ۶ سانینا یتیردی.

آنتالیادان بازل و زوریخ شهرلرینه ده هپدأنینگ آحیریندا اوچار ساپارینی قورایان سان اکسپرس بو قیش فرانسیانینگ پایتاغتی پاریس شهرینه ده اوچار ساپارینی باشلاتدی.

بو شرکت شو آی هپده ده ۲ گِزِه‌ک دانمارک ینگ کپنهاگ شهری و بلژیگینگ ده بروکسل شهرینه اوچار ساپارینی باشلادار.

مارت آییندا دا سان اکسپرس ینگ اوچارلاری هپده ده ۱ گِزه‌ک استکهلم شهرینه اوچار.

یانوار آییندا لهستان ینگ گدانسک شهرینه تأزه دن اوچوش ساپارینا باشلاتجاق سان اکسپرس بو قیش ایلکینجی گیزه‌ک لگولنده قۇشولیپ دانمارک ینگ بیلوند شهرینه ده آنتالیادان اوچار ساپارینا باشلادار.

سان اکسپرس ینگ بیلوند اوچوشلاری ۹-نجی فورال دا باشلار.