أردۇغان تۆرکیأنینگ یرلی اتومبیلینی تانادار

تۆرکیأنینگ جمهورباشلیغی رجب طیب أردۇغان آننا گۆنی تۆرکیأنینگ اتومبیلی پروژه سی نینگ تانادیلیش داباراسینا قاتناشار.

أردۇغان ایستامبول قۇنالغاسیندا گچیریلن "۲۰۱۹-نجی ییلداقی پروفسور دکتر فواد سزگین ییلی نینگ یاپیلیش داباراسینا" قاتناشدی.

أردۇغان دابارادا برن بیاناتیندا، بیلیم تاریحی نینگ شو گۆنکی چشمه لری نینگ اولی بؤله‌گی نینگ اوروپادان بۇلاندیغینی و عمومان اورینتالیست قاراییشینگ نتیجه سی بۇلاندیغینی یاتلاتدی و بو قاراییشینگ یالنگیش بۇلاندیغینی بیلدیردی.

اوروپالی بیلیم آداملاری هنیز بیلیم بیلن ایشلری بۇلمان واغتدا، اسلام شهرلری نینگ کؤپۆسینده اؤرأن أهمیتلی اثرلری بۇلان کیتاپحانالارینگ باردیغینی آیدان أردۇغان بو کیتاپحانالارینگ هم اسلامی بیلیملرده هم ده بیله کی بیلیملرده مۆنگلرچه عالیم یتیشدیرِندیگینی نیغتادی.

مدنیتلر تاریحینی، اسلام مدنیتینه اۆس برمأنی یازماغینگ مۆمکین بۇلماندیغینی آیدان تۆرکیأنینگ جمهورباشلیغی، تۆرکیه حؤکمۆنده بیلینچلی بیلیم و تکنولوژی پوداغیندا شو گۆن هم میللی هم حالقارا درجه ده اولی أدیملر أتمه‌ک اۆچین تاغاللا ادیأندیکلرینی بیلدیردی.

أردۇغان قۇرانماق صناغاتیندا قوری یرده، دنگیزده و هۇوادا گۆیچلِنمه‌ک اۆچین ۷۰۰-دن کؤپ پروژأنی آلیپ باریاندیقلارینی یاتلادیپ، تۆرکیأنینگ اوچارمانسیز اوچار تکنولوژیسینده دۆنیأنینگ دؤرت یوردوندان بیری بۇلاندیغینی آیتدی.

حصوصی شرکتلرینگ ده قۇرانماق صناغاتیندا و تیجاری مسئله لرده اولی ایشلر آلیپ باریاندیقلارینی آیدان أردۇغان،

"ان‌شاءالله آننا گۆنی تۆرکیأنینگ اتومبیلی پروژه سی نینگ تانادیلیش داباراسینا قاتناشاریس" دیدی.