دمیرقازیق مقدونیه تۆرک مایاقۇیومچیلارا قاراشیار
دمیرقازیق مقدونیأنینگ تۆرک آصیللی وزیری بیانات بردی
دمیرقازیق مقدونیه نینگ داشاری مایاقۇیومچیلاردان جۇغاپکأر دؤولت وزیری الوین حسن، تۆرکیه بیلن یوردونینگ آراسینداقی سؤودا موقدارینی ۱ میلیارد دلارا یتیرمه ک ایسله یأندیکلرینی آیتدی.
حسن آناتولی حابار سریشده سینه برن بیاناتیندا مقدونیه بیلن تۆرکیأنینگ تاریحی و مدنی آراقاتناشیغی نینگ اؤرأ گۆیچلی بۇلاندیغینی و مونی ایقدیصادی پوداغا دا یایماق ایسله یأندیگینی آیتدی.
دمیرقازیق مقدونیأنینگ ناتو قوراماسینا آغضالیغی اتابی نینگ قوتارماغینا قاراشیاندیقلارینی و اوروپا بیله له شیگینه آغضالیق اتابی نینگ دۇوام ادیأندیگینی آیدان حسن،
"تۆرکیه بیلن سؤودا موقداریمیزی ۱ میلیارد دلاردان گچیرمه ک ایسله یأریس. شو واغتقی موقدار ۵۰۰ میلیون دلار. مقدونیه ده قۇیولجاق مایا بیلن سؤودا موقداری نینگ یۇقارلادیلماغینی ایسله یأریس" دیدی.
تۆرکیأنینگ سؤودا وزیری روحسار پک جان بیلن دوشوشیقلاریندا ایستامبول دا ۱۴-نجی اکتبردا تۆرکیه- دمیرقازیق مقدونیه ایش فۇرومینی گچیرمه ک باراسیندا ایلالاشاندیقلارینی آیدان حسن، بو دوشوشیغینگ قۇوی نتیجه لر برجکدیگینی آیتدی.
اؤزی تۆرک آصیللی بۇلان حسن، دمیرقازیق مقدونیه نینگ قاپیلاری نینگ تۆرک ایشه وۆرلرینه آچیق بۇلاندیغینی نیغتادی.
الوین حسن تۆرک حؤکمۆنده ایکی یوردونگ آراسیندا کؤپری قورماغی ماقصات ادینیأندیکلرینی ده سؤزلرینه قۇشدی.
