تۆرک هۇوا یۇللاری ۷ آیدا ۴۳.۲ میلیون یۇلاغچینی اوچوردی

تۆرک هۇوا یۇللاری ۲۰۱۸-نجی ییلینگ یانوار- ایول آرالیغیندا اؤتن ییلا گؤرأ ۱۵.۲ گؤتریم کؤپرأک یۇلاغچینی اوچوردی.

بو شرکت یدی آیدا ۴۳.۲ میلیون یۇلاغچا حیذمات بردی.

تۆرک هۇوا یۇللاری ایچرکی حاطلاریندا یۇلاغچی سانی ۱۷ گؤتریم، داشاری یورت حاطلاریندا ۱۳.۸ گؤتریم یۇقارلاتدی.

اوچارلارینگ دۇلولیق موقداری دا ۳.۸ گؤتریم یۇقارلادی و ۸۱.۲ گؤتریمه یتدی.

۲۰۱۷-نجی ییلینگ یانوار- ایول آرالیغیندا تۆرک هۇوا یۇللاری ۹۹ مۆنگ ۵۷۴ تن کارگو یۆک داشاپدی.

شو موقدار ۲۰۱۸-نجی ییلدا ۱۹.۶ گؤتریم یۇقارلادی و ۱۱۹ مۆنگ ۹۸ تن بۇلدی.

اوچارلارینگ دۇلولیق موقداری آفریقا ساپارلاریندا ۵.۴ گؤتریم یۇقارلادی، یاقین گۆن دۇغار ساپارلاریندا ۴.۱، دمیرقازیق آمریکا ساپارلاریندا ۳.۴ یۇقارلادی.

یۇلاغچی سانی دا یاقین گۆن دۇغار ساپارلارینا ۸ گؤتریم، آفریقا ۱۰ گؤتریم و اوروپا ۹.۵ گؤتریم یۇقارلادی.

تۆرک هۇوا یۇللاری ۲۰۱۸-نجی ییلدا ۷۵ میلیون یۇلاغچینی اوچورار و ۸۱ گؤتریم اوچارلارینگ دۇلولیق موقداری بیلن ۱۲.۵ میلیارد دلار ساتووی بۇلار.