تۆرکیه ده تۆرک لیراسی کمپینی
بو کمپین تۆرکیأنینگ جمهورباشلیغی نینگ چاقیلیغی بیلن باشلادی
تۆرکیهده تۆرک لیراسی کمپینی دۇوام ادیأر.
تۆرکیأنینگ جمهورباشلیغی نینگ مطبوغات گنگه شچیسی ابراهیم قالین، جمهورباشلیق رجب طیب أردۇغان ینگ حاسابینداقی بۆتین داشاری یورتلی پوللارینگ تۆرک لیراسینا اؤورۆلِهندیگینی آیتدی.
قالین، جمهورباشلیق کؤشگۆنده گۆن ترتیبی نینگ اوغورلاری باراسیندا مطبوغاتا بیانات بردی.
بیر ژورنالیستینگ "جمهورباشلیق أردۇغان ینگ گچن هپده دلاری تۆرک لیراسینا اؤوۆر کمپینینی" باشلاداندیغینی یاتلادیپ سۇران سۇراغینا ابراهیم قالین:
"جمهورباشلیغیمیز بو کمپینینگ باشلان گۆنی، حاسابینداقی بۆتین داشاری یورتلی پوللاری تۆرک لیراسینا اؤوۆردی. مونونگ ترسینی پیکیر اتمهک ده بۇش ایشدیر" دیدی.
بیله کی تاراپدان دلاری تۆرک لیراسینا اؤوۆرمهک باراسینداقی کمپین گۆن سایین یۇقارلایار.
مشهور فوتبالچیلاردان تانژو چۇلاق باشدا بۇلماق بیلن سامسون ینگ جمغیتچیلیک کنفدراسیونی نینگ آغضالاری دلارلارینی تۆرک لیراسینا اؤوۆردی.
سامکۇن قوراماسی نینگ باشلیغی سزگین گۆمۆش، تۆرکیأنینگ جمهورباشلیغی رجب طیب أردۇغان ینگ چاقیلیغینا لاییقلیقدا پوللارینی تۆرک لیراسینا اؤورهندیکلرینی نیغتادی.
گۆمۆش شیله ده سامسون ینگ یاشاییجیلارینا اؤنگ باشلیق اتمهگینه حۇشالدیغینی بیلدیردی و ۱ میلیون دلاردان قۇوراق موقداری تۆرک لیراسینا اؤورهندیکلرینی آیتدی.
استرالیانینگ آ لیگینده تۇپ اۇینایان و اۇزال دا سیواس اسپوردا اۇینان جک فتی ده أردۇغان ینگ چاقیلیغینا قۇلداو بردی.
فنرباغچه لی فوتبالچی موسا سو دا بیر ویدئونی پایلاشدی. ویدئودا فتی نینگ دلارینی تۆرک لیراسینا اؤورهندیگی گؤرۆلیأر.
بیله کی تاراپدان أردۇغانینگ داشاری سؤودادا تۆرک لیراسی نینگ اولانیلماغی حاقینداقی چاقیلیغیندان سۇنگ تۆرکیأنینگ مرکز بانکی بیلن حیتای یینگ مرکز بانکی نینگ آراسیندا پول اؤورۆلدی.
۳۰-نجی نۇیابردا تۆرک لیراسی بریلیپ یوان آلیندی. ۴۵۰ میلیون تۆرک لیراسی بریلیپ یوان آلیندی.
یرلی بیر بانکینگ پایلارینی آلان و تۆرکیه ده ایشه باشلان ایلکینجی حیتایلی بانگ بۇلان "ICBC تۆرکیه بانکی" بو باباتدا ایلکینجی بانک بۇلدی.
دِگیشلی حابارلار
تۆرکیأنینگ صناغات اؤنۆمچیلیگی یوُقارلادی
تۆرکیأنینگ صناغات اؤنۆمچیلیک ایندکسی بیر ییلدا 4.3 گؤتِریم یوُقارلادی