أردوُغان: فلسطینلیلر حاقیندا جوُغاپکأرچیلیگیمیز بار

تۆرکیأنینگ جمهورباشلیغی رجب طیب أردوُغان "76 ییلدان بأری اؤیلرینه، یورتلارینا قایتماغی حیال ادن فلسطینلی دوُغانلاریمیزا قارشی جوُغاپکأرچیلیگیمیز بار" دیدی.

أردوُغان 7-نجی حالقارا یاغشیلیق بایراغینی قوُوشوریلیش داباراسینا قاتناشدی.

بیاناتیندا ایسرائیل ینگ غزه بؤلگه سینه هۆجۆمی بیلن باغلانشیقلی بیانات برن أردوُغان،

"76 ییلدان بأری اؤیلرینه، یورتلارینا قایتماغی حیال ادن فلسطینلی دوُغانلاریمیزا قارشی جوُغاپکأرچیلیگیمیز بار. مونی أسگِرمزچیلیک ادیپ بیلمه ریس." دیدی.

گۆن باتار گۆیچلر "بۆتین کلچِکلیکلرینه قارشی ایسرائیل ینگ باش وزیری بنیامین نتانیاهونینگ آرقاسیندا دورینچا، فلسطین ده قیرغینچیلیغینگ اؤنگۆنه گچیپ بوُلماز" دیه ن أردوُغان،

"قاباو سبأپلی آچیق کِسِلحانا اؤورۆلن غزأنی، 229 گۆندن بأری چاغالارینگ قابریستانینا اؤوۆردیلر. هیچ کیم باشغا زاتلار آیتجاق بوُلماسین. غزه ده شیله آقیان قاندان، اشغالچیلار بیلن بیله لیکده اوُلارا لجستیک و حاربی قوُلداو بریأنلر ده جوُغاپکأردیر" دیدی.

تۆرکیأنینگ جمهورباشلیغی "صهیونیست گینگِلمه‌چیلیگی شیله دوُوام اتسه دۆنیأ تأزه چاقنیشیقلارا گؤوره‌لیدیر" دیدی.