تۆرکیه ده ایران ینگ جمهورباشلیغی نینگ آرادان چیقماغی سبأپلی میللی یاس ایغلان ادیلدی

تۆرکیأنینگ جمهورباشلیغی رجب طیب أردوُغان ایران ینگ جمهورباشلیغی ابراهیم رئیسی نینگ آرادان چیقماغی سبأپلی بیر گۆن میللی یاس ایغلان اتدی.

أردوُغان کابینه ماصلاحاتیندان سوُنگرا بیانات بردی.

ایران ینگ جمهورباشلیغی رئیسی و بیله لیگیندأکی توُپارینگ دیک اوچاری نینگ یره قاچماغی سبأپلی آرادان چیقمالارینا اولی قینانچ بیلدیرن تۆرک یوُلباشچی،

"کابینه ماصلاحاتیمیزدا، ایران ینگ حالقی نینگ غام غوصصاسینا دویغوداشلیق بیلدیرمه ک اۆچین یوردومیزدا بیر گۆن میللی یاس ایغلان ادیلمه گی تاصصیقلادیق" دیدی.

أردوُغان رئیسی و بیله لیگیندأکی توُپارینگ دیک اوچاری نینگ ییتمه گیندن سوُنگرا ایران ینگ ایسله گی بیلن ایبریلن آقینجی اوچارمانسیز اوچاری نینگ قین هوُوا شرطلرینه قارامازدان 7.6 ساغات بارلاغ آلیپ باراندیغینی و 2100 کیلومتر اوچاندیغینی بیلدیردی.