أردوُغان: یونان بیلن ترورچیلیق بیلن گؤرهش مسئله سینده حیذماتداشلیغیمیز گۆیچلِهنیأر
أردوُغان یونان ینگ باش وزیری کیریاکوس میچوتاکیس بیلن دوشوشیغیندان سوُنگرا اوُرتاق مطبوغات گنگه شینی گچیردی
تۆرکیأنینگ جمهورباشلیغی رجب طیب أردوُغان "یونان بیلن ترورچیلیق بیلن گؤره ش مسئله سینده ایلالاشیقلی حیذماتداشلیغیمیز گۆن سایین گۆیچله نیأر" دیدی.
أردوُغان دۆین رسمی ساپار بیلن آنکارا گلن یونان ینگ باش وزیری کیریاکوس میچوتاکیس بیلن دوشوشیغیندان سوُنگرا اوُرتاق مطبوغات گنگه شینی گچیردی.
میهمان یوُلباشچی بیلن گچیریلن دوشوشیقدا اؤزآرا مسئله لرده دوُلولیغینا گنگه شیلندیگینی آیدان تۆرک یوُلباشچی سؤودا- تیجارت موقداری نینگ 6 میلیارددان 10 میلیارد دلارا یوُقارلاتماق ایسله یأندیکلرینی بیلدیردی و شیله دوُوام اتدی:
"یونان بیلن ترورچیلیق بیلن گؤره ش مسئله سینده ایلالاشیقلی حیذماتداشلیغیمیز گۆن سایین گۆیچله نیأر. ترور قورامالارینگ بؤلگأمیزینگ گلجگینده یری یوُق. قاتناشیغیمیزینگ اؤنگین اتمسفری نینگ، یونان داقی تۆرک یاشاییجیلارینگ حاقلاری نینگ بریلمه گینه قوُشانت قوُشماغینا دا قاراشیاریس" دیدی.
قبرس مسئله سی نینگ آداداقی حاقیقاتینگ اساسیندا عادالاتلی و همیشه لیک چؤزگۆده قوُوشوریلمالیدیغی نینگ أهمیتینه اۆنس چکن أردوُغان "شیله بیر أدیم، بؤلگأمیزینگ دورنوقلیلیغی و آسودالیغینی گۆیچلهندیرر" دیدی.
یونان ینگ باش وزیری میچوتاکیس دا "آرامیزداقی آنگلاییش- ایلالاشیق و قاتناشیقلار قوُوی یاغدایدا یوُقارلاپ دوُوام ادیأر" دیدی و تۆرکیأنینگ اوروپا بیله له شیگینه آغضا بوُلماغینی قوُلدایاندیقلارینی سؤزلرینه قوُشدی.
دِگیشلی حابارلار
گۆلر سومالیلی ایشدشی بیلن دوشوشدی
سومالی نینگ قوُرانماق وزیرلیگی، افس تۆرگِنله شیگینه قاتناشماق اۆچین ایزمیرده بوُلیار
أردوُغان ایسرائیل دوُلانشیغینی برک یازغارماغا دوُوام ادیأر
تۆرکیأنینگ جمهورباشلیغی ایسرائیل ینگ دوُلانشیغینی اینگ برک یاغدایدا یازغارماغا دوُوام ادیأر