أردوُغان: توُپراقلاریمیزا گؤز تیکلردن حاساپ سوُرایاریس

تۆرکیأنینگ جمهورباشلیغی رجب طیب أردوُغان "گۆن باتارلی آغالارینا اینام ادیپ بیزینگ توُپراقلاریمیزا گز تیکنلردن، بیزی بؤلمأگه سینانشانلاردان حاسابینی سوُرایاریس و سوراماغا دا دوُوام ادریس" دیدی.

تۆرکیأنینگ جمهورباشلیغی و عادالات و اؤسۆش پارتیاسی نینگ باشلیغی حزبی نینگ اِلازیغ داقی میتینگینده بیانات بردی.

أردوُغان عیراق دا تۆرکیأنینگ ترورچیلیق بیلن گؤره‌ش حرکتلرینه اۆستۆنلیکلی یاغدایدا دوُوام ادیأندیگینی آیتدی و "ییلینگ 365 گۆنۆنده، 7 گۆن 24 ساغات حرکتلیمیزه اۆزنۆکسیز دوُوام ادیأریس. ایندی ترورچیلیق بیلن گؤره‌شی سرحدیمیزینگ داشیندا دوُوام اتدیریأریس. سرحتلریمیزینگ داشینداقی ترورچیلیق باتغالیقلارینی دا یوواش یوواش قوروتیاریس. بیریلری نینگ آیرالیقچی قوراما سوریه ده تروریستان قوردورماق ایسله یأردی. بیز حاربی حرکتلریمیز بیلن اوُلارینگ پلانینی ییرتیپ زینگدیق" دیدی.