أردوُغان: قوُرانماق صناغاتیندا مایاقوُیوملاری یر تیتره مه سی بوُلان ولایاتلارا گؤنۆکدیریأریس
تۆرک یوُلباشچی ضلل گؤرِن ولایاتلاردا دینگه اؤی سالماجاقدیقلارینی، اساسی قورلوشیقلاری و کأرحانالاری دا سالیاندیقلارینی آیتدی
تۆرکیأنینگ جمهورباشلیغی رجب طیب أردوُغان قوُرانماق صناغاتی مایاقوُیوملارینی یر تیتره مه سی بوُلان ولایاتلارا گؤنۆکدیرندیکلرینی آیتدی.
آدی یامان شهرینده یر تیتره مه سیندن ضلل گؤرِنلر اۆچین سالینان اؤیلرینگ بیجه سینه قاتناشان و اؤیلرینگ آچارینی برن أردوُغان آدی یامان دا 45 مۆنگ 305 آداما جای بریلجکدیگینی آیتدی.
أردوُغان بو جایلارینگ 39 مۆنگ سانیسی نینگ اؤی بوُلاندیغینی بیلدیردی.
"شو گۆن 2 مۆنگ 798 اؤیی ایه سینه بریأریس" دیه ن أردوُغان، 36 مۆنگ اؤیۆنگ قورلوشیق ایشی نینگ ده 2024-نجی ییلینگ آحیرینا چنلی قوتارجاقدیغینی آیتدی.
"دینگه اؤی و ایش یرینی قورماق دأل، یوُل و میدانلار بیلن بیله لیکده اساسی قورلوشیقلار و اولی مایاقوُیوملار دا ادیأندیکلرینی" نیغتان أردوُغان،
"یوردومیزینگ اینگ چالت اؤسیأن پوداغی بوُلان قوُرانماق صناغاتینداقی مایاقوُیوملاری دا بو یرلره گؤنۆکدیریأریس. آدی یامان دا صناغات شرکتلریمیزینگ اوُرتاقلاری بیلن توساش ینگ یوُلباشچیلیغیندا لابراتوار، تست قورلوشیغی، کابل، کانکتور و کاباژ اؤنۆم کأرحاناسینی باشلادیاریس. بو کأرحانا شو ییلینگ آحیرینا چنلی سالینار" دیدی.
دِگیشلی حابارلار
أردوُغان قازاغیستان ینگ باش وزیرینی قابول اتدی
تۆرکیأنینگ جمهورباشلیغی رجب طیب أردوُغان قازاغیستان ینگ باش وزیری اولجاس بکتنوف بیلن دوشوشدی
الیسا فریرا: تۆرکیه بیلن اوروپا بیله له شیگی نینگ قاتناشیقلاری یوُقارلامالیدیر
الیسا فریرا غازی آنتپ ولایاتی نینگ حأکیمی کمال چبر و شهر حأکیمی فاطما شاهین بیلن دوشوشدی