أردوُغان: غزّأ قوُلداو برمأگه دوُوام ادریس

ایسرائیل ینگ 3 هپده دن بأری غزه ده قوریان هۆجۆملری مسئله سینده دیمماغی سایلاپ آلان گۆن باتارلی یوتلاری تانقیت ادن تۆرکیأنینگ جمهورباشلیغی رجب طیب أردوُغان "اوکراینادا اؤلِنلر اۆچین آغلایادینگیز، غزه ده آرادان چیقان چاغالار مسئله سینده بوُلسا نأمه اۆچین سسینگیز چیقمایار" دیدی.

تۆرکیأنینگ جمهورباشلیغی ایستامبول دا گچیریلن فلسطین میتینگینده چیقیش اتدی.

ارتیر تۆکیه جمهوریتی نینگ 100 یاشی دابارالی یاغدایدا بِللأپ گچجکدیگینی، شو گۆن بوُلسا دۆنیأنینگ اۆنسۆنی غزّأ چکمه ک ایسله یأندیکلرینی نیغتان أردوُغان "غزه بؤلگه سینه قوُلداو برمأگه دوُوام ادریس" دیدی.

کریمه دن قاراباغا، بوسنیادان کرکوگا، فلسطین دن تۆرکیستانا، اوُوغانیستان دان چچنیستانا چنلی دۆنیأنینگ دؤرت بیر یانیندا قیناندیریجی واقالارینگ باشدان گچیریلیأندیگینی آیدان أردوُغان "بیز بو یرده دینگه غزه ده باشدا گچیریلن قیرغینچیلیغا اۆنسی چکمه ک بیلن چأکلنمأن ایسه م اؤز قاراشسیزلیغیمیزی و گلجگیمیزی قوراجاقدیغیمیزی نیغتایاریس" دیدی.

حماس ینگ ترور قوراماسی بوُلماندیغینی ینه ده بیر گِزه ک نیغتان أردوُغان بو سؤزۆنگ ایسرائیل-ی بینجالیق ادندیگینی آیتدی.

تۆرک یوُلباشچی ایسرائیلا "1947-نجی ییلدا غزه، فلسطین اِرکیندی. سن اوُل یرلره باسیپ آلیجی حؤکمۆنده گیردینگ و سن بی قوراما" دیدی.

"دۆین اوکراینا- روسیا ساواشیندا اؤلدۆریلن یؤنه کی یاشاییجیلار اۆچین آغلانلار شو گۆن غزه ده مۆنگلرچه چاغانینگ اؤلدۆریلمه گینه بوُلسا دیمیپ سین ادیأر" دیه ن أردوُغان "اوکراینادا اؤلِنلر اۆچین آغلایاردینگیز، غزه ده آرادان چیقان چاغالار مسئله سینده نأمه اۆچین سسینگیز چیقمایار" دیدی.

تۆرکیأنینگ جمهورباشلیغی ایسرائیل ینگ قیرغینچیلیغینیا قوُلداو بریأن گۆن باتارلی یورتلاری تانقیت اتدی.

گۆن باتارلی اۆلکه لرینگ غزه ده چاغالارینگ، زنانالارینگ قیرغینا بریلمه گینی قانونی‌لاشدیرماق اۆچین سیاساتچیلاردان کؤپچۆلیکله یین حابار بیش سریشده لرینه چنلی ایسرائیلا قوُلداو بریأندیگینی نیغتان أردوُغان، ایسرائیلینگ حاربی جنایات ادیأندیگینی سؤزلرینه قوُشدی.

ایسرائیل-ی حاربی جنایاتچی حؤکمۆنده ایغلان اتجکدیکلرینی آیدان أردوُغان "مونونگ اۆچین دِگیشلی طایارلیقلاری گؤریأریس و حاربی جنایاتچی حؤکمۆنده ایسرائیل-ی بۆتین دۆنیأ ایغلان ادریس" دیدی.

ایسرائیل ینگ 7-نجی اکتبردان بأری غزّأ ایزی گیدرلی یاغدایدا قوریان هۆجۆملرینده اساسی بؤلِه‌گی چاغالاردان و زنانالاردان بوُلان 7 مۆنگدن کؤپ فلسطینلی آرادان چیقدی.