أردوُغان ایسرائیلا قورجاق ساپارینی یاتیردی

تۆرکیأنینگ جمهورباشلیغی رجب طیب أردوُغان ایسرائیلا قورجاق ساپارینی یاتیراندیغینی نیغتاپ حماس ینگ بیر ترور قوراماسی دأل، ایسه م مجاهد بیر توُپار بوُلاندیغینی آیتدی.

عادالات و اؤسۆش حزبی نینگ باشلیغی دا بوُلان أردوُغان حزبی نینگ تۆرکیأنینگ بیک میللت مجلیسیندأکی توُپاری نینگ ماصلاحاتیندا بیانات بردی.

أردوُغان ینگ گۆن ترتیبینده غزه مسئله سی باردی.

تۆرک یوُلباشچی ایسرائیل ینگ هۆجۆملری بیلن باغلانشیقلی "ایسرائیل ینگ دؤولتی بیلن بیر مسئلأمیز یوُق، اِمما ایسرائیل ینگ ادن مظالمینی و دؤولت دأل قوراما یالی حرکت اتمه گینی آصلا قابول اتمه دیک و قابول ادیپ بیلمه ریس" دیدی.

ایسرائیل ینگ هۆجۆملرینده اؤلِنلرینگ یاریسینا قوُلایی نینگ چاغالار بوُلاندیغینی آیدان أردوُغان، بو یاغداینگ بیلگِشله‌یین ادیلن انسانی جرم بوُلاندیغینی گؤرکِزیأندیگینی نیغتادی.

بۆتین گۆن باتار یورتلاری نینگ حماس توُپارینی بیر ترور قوراماسی حؤکمۆنده گؤریأندیگینی آیدان تۆرکیأنینگ جمهورباشلیغی، ایسرائیلا و دۆنیأ یۆزلِه‌ندی و "ای اسرائیل، سن بیر قوراما بوُلوپ بیلرسینگ. بو گۆن باتارینگ سانگا برگیسی بوُرجی کؤپ. اِمما تۆرکیأنینگ سانگا برگیسی بوُرجی یوُق. حماس بیر ترور قوراماسی دأل، ایسه م اؤز توُپراغینی و یورتداشلارینی قوُراماق اۆچین گؤره‌شیأن بیر ارکینلیک مجاهدلری نینگ توُپاریدیر" دیدی.

رجب طیب أردوُغان ایسرائیلا گیتمه ک باراسینداقی پلانی نینگ بوُلاندیغینی اِمما بو پلانی یوُلا قوُیماجاقدیغینی دا سؤزلرینه قوُشدی.

"تۆرک میللتی تاریحی بوُیونچا یر یۆزۆنه اتنیک پارازلیق اتمأن و اتمه یأن یکه جه حالقدیر. مونی اینگ قوُوی دا یهودی جماغاتی بیلر" دیه ن أردوغان ایسرائیلا قوُلداو بریأن هیچ بیر یوردونگ شیله بیانات برمه جکدیگینی آیتدی.

أردوُغان " یوردومیز و میللتیمیز حاقیقاتی یانگلاتماغا دوُوام ادر. مونونگ اۆچین سیاسی، دیپلماتیک و حاربی بۆتین یوُللاری اولاناریس" دیدی.