أردوُغان: تۆرکیه ترور بلاسیندان قوتولجاقدیر

تۆرکیأنینگ جمهورباشلیغی رجب طیب أردوُغان "تورچیلار یا اؤکۆنچ دویوپ اؤزلرینی تۆرک عادالاتینا تاپشیرار یا دا دولتیمیزینگ دمیر یومروغی بیلن یۆز به یۆز بوُلار. مونونگ داشیندا اوُلارینگ باشغا هیچ بیر یوُلی یوُقدیر" دیدی.

أردوُغان ژاندارما و دنگیزیاقا حوُوپسوزلیق آکادمیسینده بیانات بردی.

تۆرک یوُلباشچی "تۆرکیه آحیریندا بو ترور بلاسیندان قوتولجاقدیر. نه داعش بیلن گؤره‌ش باهاناسی بیلن بریلن کامیون کامیون یاراغ، نه ده آغالاری نینگ قوُلداوی ترورچیلاری حالاص ادیپ بیلمه‌ز. ینه بیر گِزه ک آیدیارین، یوردومیزینگ و بؤلگأمیزینگ گلجگینده هیچ بیر ترور قوراماسی نینگ یری یوُقدیر. تورچیلار یا اؤکۆنیپ اؤزلرینی تۆرک عادالاتینا تاپشیرار یا دا دولتیمیزینگ دمیر یومروغی بیلن یۆز به یۆز بوُلار. مونونگ داشیندا اوُلارینگ باشغا هیچ بیر یوُلی یوُقدیر" دیدی.

تۆرکیأنینگ جمهورباشلیغی بی‌قانون بوُسغونلارینگ اؤنگۆنه گچیلجکدیگینی ده سؤزلرینه قوُشدی و تۆرکیأنینگ حوُوپسوزلیق گۆیچلری نینگ اژه دنگیزینده کؤپ سانلی بوُسغونی سووینگ ایچرسیندن چیقاریپ اوُلارینگ یاشاماغینا قوُشانت قوُشاندیغینی بیلدیردی.

أردوُغان انسان قاچاقچیلارینا قارشی دۆرلی چأره لرینگ یوُقارلادیلجاقدیغینی نیغتادی و 2023-نجی ییلینگ باشیندان بأری 143 مۆنگ بی قانون بوُسغونینگ اؤنگۆنه گچندیکلرینی حابار بردی.