أردوُغان: فلسطینه گۆیچلی یاغدایدا قوُلداو برمأگه دوُوام ادریس

تۆرکیأنینگ جمهورباشلیغی رجب طیب أردوُغان آنکارادا فلسطین ینگ یوُلباشچیسی محمود عباس بیلن دوشوشدی.

ایکی یوُلباشچی نینگ دوشوشیغیندان سوُنگرا بیانات برن أردوُغان، تۆرکیأنینگ فلسطین دؤولتینه و حالقینا المداما قوُلداو بریأندیگینی و بو قوُلداوینگ گۆیچلی یاغدایدا دوُوام اتجکدیگینی آیتدی.

تۆرک یوُلباشچی فلسطین مسئله سینده عادالاتلی و همیشه لیک چؤزگۆدینگ یکه‌جه یوُلونینگ ایکی دؤولتلی چؤزگۆت بوُلاندیغینا اۆنس چکدی.

أردوُغان، فلسطین دأکی موقاددس یرلرینگ حقوقی یاغدایی نینگ اۆیتگِه‌دیلمه‌گی نینگ ده قابول ادیلیپ بوُلونماجاقدیغینی سؤزلرینه قوُشدی.

فلسطین ینگ یوُلباشچیسی محمود عباس دا تۆرکیأنینگ فلسطین حالقینا بریأن کؤمِگینه أهمیت بریأندیکلرینی بیلدیردی.