أردوُغان سوریه باراسیندا بیانات بردی

تۆرکیأنینگ جمهورباشلیغی رجب طیب أدوُغان سوریأنینگ یوُلباشچیسی بشار اسد بیلن دوشوشماغا قارشی بوُلماندیغینی آیتدی.

أردوُغان سعودی عربیستانا گیتمه‌گیندن اوُزال ایستامبول داقی آتاتۆرک قوُنالغاسیندا مطبوغات ییغناغینی گچیردی.

تۆرک یوُلباشچی سوریه بیلن قاتناشیقلاری عاداتی یاغدایا گتیرمه ک بیلن باغلانشیقلی تۆرکیأنینگ بو یوردا قاپینی یاپمانیغینی نیغتادی و (روسیا و ایران بیلن بیله لیکده) دؤرت تاراپلی ماصلاحاتلارینگ گچیریلمه گینی ایسله یأندیگینی آیتدی.

أردوُغان "اِمما بیز بشار اسد بیلن دوشوشماجاقدیرس دیمه یأریس. دوشوشاریس، بۆتین مسئله اوُلارینگ بیزه قاراییشی. شو واغت قینانساغام اسد تۆرکیأنینگ دمیرقازیق سوریه دن چیقماغیمیزی ایسله یأر. بیله بیر زات بوُلوپ بیلمه‌ز. چۆنکی بیز شوُل یرده ترورچیلیق بیلن گؤره‌شیأریس. شیله زادی بیله کی یورتلار اۆچین ده آیدیپ بیلیأر می؟ آیدیپ بیلمه یأر، شونونگ اۆچین ده عادالاتلی قاراییش ایسله یأیس. بو عادالاتلی قاراییش بوُلاندان سوُنگرا هیچ مسئله یوُق." دیدی.