شو گۆن 15-نجی ایول دموکراسی و میللی جبیسلیک گۆنی

تۆرکیه جمهوریتی نینگ میللی جبیسلیگینه و بیتولیگینه قاصت اتمه ک نیتی بیلن یوردی قارانگقیلیغا سالماق ایسله یأن فتؤنینگ آغضالاری 2016-نجی ییلینگ 15-نجی ایولیندا حیاناتچیلیقلی آغدارلیشیق سینانشیغینی عامالا آشیریپدی.

تۆرک دموکراسیسینی نیشانا آلان شوُل حیاناتچیلیقلی سینانشیق، تۆرک حالقی نینگ دموکراسینی و سایلانان ایغتیارینی قوُراماق اۆچین دستان یالی قارشیلیغی بیلن ایزینا سرپیکدیردی.

یوردونگ کپ اداراسینا اساسان هم حابی و حوُوپسوزلیق گۆیچلرینه آرالاشیپ، حاقیقی عاماللارینی 2016-نجی ییلینگ 15-نجی ایولیندا عایان ادن فتؤنینگ قانلی آغدارلیشیق سینانشیغی، تۆرکیأنینگ جمهورباشلیغی رجب طیب أردوُغان ینگ چاغییشینا لاییقلیقدا تۆرکیأنینگ دؤرت بیر یانیندا دموکراسیا ایه چیقماق اۆچین میدانلاری دوُلدوران رایاتلارینگ قوُلداوی بیلن پوجا چیقدی.

تاریحا شؤهراتلی قارشیلیق حؤکمۆندن گچن بو گؤره شده تۆرکیأنینگ دؤرت یانیندا میدانلارا چیقان و اؤزلرینی تانکلارینگ اوُقلارینگ اؤنگۆنه اوُقلان 253 واطان سؤی شهیت بوُلدی.

تۆرکیه 15-نجی ایول ینگیشی نینگ 7-نجی ییلیندا واطان و بایداق اوغرونا گؤزۆنی قیرپمان جانینی برن أهلی شهیتلرینی اولی حوُرمات بیلن حاطیرالاپ گچیأر.

ینگیش بیلن نتیجه له نن بو آمانلی قارشیلیق و گؤره ش روحونی جمغیتینگ آنگیندا همیشه جانلی ساقلاماق ماقصادی بیلن 15-نجی ایول دموکاسی و میللی جبیسلیک گۆنی هر ییل بیری بیریندن تاپاوتلی چأره لر بیلن قوتلانیار.