أردوُغان: اوُرازا بایرامیندا سالینان ایلکینجی اؤیلر یر تیتره مه سیندن ضلل گؤرِنلره بریلر

تۆرکیأنینگ جمهورباشلیغی رجب طیب أردوُغان اوُرازا بایرامیندا غازی آنتپ ولایاتی نینگ نورداغی و قاهرامان ماراش ولایاتی نینگ تۆرک اوُغلی شهرلری نینگ اوُبالاریندا سالینان اؤیلرینگ یر تیتره مه سیندن ضلل گؤرِنلره بریلجکدیگینی آیتدی.

أردوُغان قاهرامان ماراش دا 6-نجی فورال دا بوُلان یر تیتره مه سینده کؤمِگه گیدن شهر حأکیملری، بارلاغ حالاص ادیش توُپارلاری و یر تیتره مه سینده اجیر چکنلر بیلن آغزآچاردا دوشوشدی.

یر تیتره مه سیندن ضلل گؤرِن یرلرده چادیر، کانتینر و طایار اؤیلر قوراندیقلارینی آیدان أردوُغان میللتینگ بۆتین مۆمکینچیلیکلری و دؤولتینگ بۆتین قورامالاری بیلن یر تیتره مه سی بوُلان واغتیندان بأری هر حیللی کؤمِگینگ ادیلندیگینی آیتدی.

حارابالیغی ییغماناق ایشی نینگ دوُوام ادیأندیگینی آیدان أردوُغان همیشه لیک اؤیلرینگ قورلوشیغینا دا چالت یاغدایدا دوُوام ادیأندیکلرینی بیلدیردی و اؤیلرینگ بیر ییلدا سالینجاقدیغینی یاتلاتدی.

أردوُغان نورداغی و تۆرک اوُغلی شهرلری نینگ اوُبالاریندا سالینان اؤیلرینگ ده رمضان بایرامیندا ایه لرینه قوُوشوریلجاقدیغینی سؤزلرینه قوُشدی.