أردوُغان قاهرامان ماراش دا بوُلان یر تیتره مه سی حاقیندا ماغلومات بردی

6-نجی مارت دا بوُلان و 11 ولایاتا ضلل برن قاهرامان ماراش داقی یر تیتره مه لرینده آرادان چیقانلارینگ سانی 47 مۆنگ آدامدان گچدی.

أردوُغان پایتاغت آنکارادا جمهورباشلیقلیق کمپلکسینده گۆن ترتیبی نینگ ایلری توتولیان اوغورلاری حاقدا ماغلومات بردی.

تۆرکیه دأکی جمهورباشلیقلیق و پارلمان سایلاولاری نینگ 14-نجی می تاریحیندا گچیریلجکدیگینی آیدان أردوُغان یر تیتره مه سیندأکی ییتگیلر حاقیندا دا ماغلومات بردی.

عاصرینگ اینگ آغیر بدباغتچیلیغی دییپ آدلاندیریلان و جان و مال ییتگیسینه سبأپ بوُلان یر تیتره مه لری نینگ بوُلاندیغینی آیدان تۆرک یوُلباشچی "یر تیتره مه سی نینگ ایلکینجی گۆنلریندأکی آغیر یاغدای و شرطلری، ضلل گؤرِن اساسی قورلوشیقلار و 500 کیلومترلیک بیر مؤچبردأکی ضللینگ اولولیغی ایشیمیزی اؤرأن قینالتسا دا بیر یوُلونی تاپیپ یا دا بیر یوُل بیلن یورتداشلاریمیزا کؤمِک برمه ک اۆچین یتیشدیک" دیدی.

رجب طیب أردوُغان "بو 11 ولایاتیمیزدا یاشایان 14 میلیون یورتداشیمیزا گؤنی یاغدایدا تأثیر یتیرن اولی یر چایقانمالاریندا 47 مۆنگدن کؤپ یورتداشیمیز آرادان چیقدی. 115 مۆنگدن کؤپ آدامیمیز دا یارالاندی" دیدی.

یر تیتره مه سی نینگ بوُلان یرلرینده همیشه لیک اؤیلرینگ قورولیاندیغینا و هر گۆن تأزه پروژه لرینگ باشلایاندیغینا اۆنس چکن أردوُغان "ماقصادیمیز ایلکینجی اِتاپدا بیر ییلینگ ایچرسینده 319 مۆنگ اؤی قورلوشیغینی دوُلولیغینا تاماملاماق‌دیر. اساسی ماقصادیمیز بوُلان 800 مۆنگدن کؤپ اؤرأن ضلل گؤرِن، ییقیلان، ییقیلجاق بوُلان اؤیی و اوُرتا یاغدایدا ضلل گؤرِن 270 مۆنگ جایی ییقیپ ضلل گؤرِن شهرلریمیزی یانگاداندان دیکه‌لتمِه‌ک‌دیر" دیدی.