أردوُغان بۆتین دۆنیأ حؤکۆمت ماصلاحاتینا ویدئو یۆزلِنمه اوغراتدی

تۆرکیأنینگ جمهورباشلیغی رجب طیب أردوُغان 6-نجی فورال دا قاهرامان ماراش ولایاتیندا باشدان گچیریلن و یوردونگ 10 ولایاتی بیلن سوریأ تأثیر یتیرن 7.7 و 7.6 بال اولولیغینداقی یر تیتره مه لریندن سوُنگ گؤزله‌گ و حالاص ادیش توُپارلاری نینگ حارابالیقلارینگ آشاغیندان دیری یاغدایدا چیقاران آداملارینگ سانی نینگ 8 مۆنگدن گچندیگینی حابار بردی.

أردوُغان بیرلشن عاراپ امیرلیکلرینده (امارات دا) بۆتین دۆنیأ حؤکۆمت ماصلاحاتینا اوغرادان ویدئو آرقالی یۆزلِنمِه‌سینده تۆرکیأنینگ 6-نجی فورال  دوشنبه گۆنی ایزلی ایزینا باشیندان گچیرن و 7.7 و 7.6 بال اولولیغینداقی 2 آیری یر تیتره مه سی بیلن چایقالاناندیغینی یاتلاتدی و "13.5 میلیون یورتداشیمیزینگ یاشایان 10 ولایاتیندا، 500 کیلومتر اینه دؤردۆل میداندا تأثیرلی بوُلان یر تیتره مه لری قینانچ بیلن اولی ویرانچیلیغا سبأپ بوُلدی. یر تیتره مه لرینگ بوُلان قوُنگشی شهرلر بیلن بیرلیکده طبیغی آپاتینگ تأثیر یتیرن ایلات سانی 20 میلیون آداما قوُلای. عالیملار شوُل یر تیتره مه لرینگ نتیجه سینده یۆزه چیقان انرژی نینگ 500 اتم بمباسی نینگ گۆیجۆنده دیگینی بیان ادیأر. دینگه یوردومیز دأل ایسه م آدامزات تاریحی نینگ اینگ اولی طبیغی آپاتلاری نینگ بیری بیلن یۆز یۆزه‌دیرس.عاصرینگ بدباغتچیلیغی حؤکمۆنده تانالیان بو یر تیتره مه لرده یومرولان مۆنگلرچه جایینگ حارابالیقلارینی قالدیردیغیمیز سایین، قینانساغام آدام ییتگیلری نینگ سانی آرتیار. یر تیتره مه دن یارالی یاغدایدا حالاص بوُلان 81 مۆنگدن کؤپ رایاتیمیزینگ اولی بیر بؤله‌گینی بجرگی اتدیک. قالان آداملارینگ بجرگیلری بوُلسا دوُوام ادیأر.گؤزله‌گ و حالاص ادیش توُپارلاریمیزینگ حارابالیقلارینگ آشاغیندان دیری یاغدایدا چیقاران رایاتلاریمیزینگ سانی 8 مۆنگدن گچدی" دیدی.

تۆرکیأنینگ جمهورباشلیغی یر تیتره مأنینگ ایلکینجی پورصاتیندان باشلاپ دؤولتینگ و میللتینگ أهلی مۆمکینچیلیکلری بیلن طبیغی آپات زوُلاغی اۆچین ایشه گیریشندیگینی، حالقارا کؤمِگی اؤز دۆزۆمینده ییغنایان عاداتدان داشغاری یاغدای ایغلان ادندیکلرینی، یر تیتره مه بؤلگه سینده عاداتدان داشاری یاغدای دوُلانشیغینی باشلاداندیقلارینی مألیم اتدی.

دؤولتینگ أهلی قورامادیر ادارالاری بیلن رایات جمغیتچیلیک قورامالاری نینگ و میله تینلرینگ یر تیتره مه سینده زیان چکن آداملارا کؤمِک برمه ک اۆچین اولی تاغاللا ادیأندیگینی آیدان أردوُغان "بیر تاراپدا گؤزله گ و حالاص ادیش ایشلرینی آلیگ باریاریس، بیله کی تاراپدان دا چادیر، کانتینر و قورناما اؤیلرینگ قورلوشیغینی چالتلاشدیریاریس. نصیپ بوُلسا اؤرأن یاقین واغتدا یومرولان شهرلریمیزی یانگاداندان قورماق و ایکه‌لتمِه‌ک ایشلرینی باشلاداریس. تۆرک دؤولتی حؤکمۆنده بو طبیغی آپاتینگ یارالارینی میللتیمیز بیلن بیله لیکده بو طبیغی آپانیگ یارالارینی میللتیز بیلن بیله لیکده اِگین اِگینه دوروپ اینگ قیسغا واغتدا بجرریس" دییپ بیلدیردی.

أردوِغان باشدا بو سامیتی گچیریأن امارات بوُلماق بیلن 100-دن قوُراق یورتدان بریلن قوُلداولارا و دویغوداشلیق یۆزلنمه لرینه مینتدارلیق بیلدیردی.