أردوُغان قاهرامان ماراش و حاتای دا

تۆرکیأنینگ جمهورباشلیغی رجب طیب أردوُغان 6-نجی فوریه ده قاهرامان ماراش ولایاتیندا بوُلان 7.7 و 7.6 بال اولولیغینداقی یر تیتره مه سیندن ضلل گؤرِن ولایاتلاردا ساپاردا بوُلیار.

أردوُغان ایلکی بیلن قاهرامان ماراش ولایاتینا باردی.

تۆرک یوُلباشچا قاهرامان ماراش قوُنالغاسیندا ایچری ایشلر وزیری سلیمان سوُیلو و بیله کی جوُغاپکأرلر آلیپ باریلان ایشلر حاقیندا ماغلومات بردی.

أردوُغان قاهرامان ماراش دا چادیر دۆشِلگه‌سینه ده باردی و سوُنگرا بازارجیق شهرینه گچدی.

تۆرکیأنینگ جمهورباشلیغی نینگ حاتای ولایاتینا دا بارجاقدیغی حابار بریلدی.

جمهورباشلیقلیق قوراماسی نینگ آراقاتناشیق اداراسی نینگ باشلیغی فخرالدین آلتون و جمهورباشلیقلیغینگ مطبوغات گنگه شچیسی ابراهیم قالین دا أردوُغانا بو ساپاریندا یوُلداشلیق ادیأر.