أردوُغان: کوبا بیلن قاتناشیقلاری یوُقارلاداریس

تۆرکیأنینگ جمهورباشلیغی رجب طیب أردوُغان کوبا بیلن حیذماتداشلیغینگ گۆیچلندیریلمه گی اۆچین ایکی تاراپلی ارادأنینگ باردیغینی آیتدی.

أردوُغان تۆرکیأ گلن کوبانینگ دؤولت یوُلباشچیسی میگوئل ماریو دیاز کانل برمودز-ی رسمی دابارا بیلن قارشیلادی.

اؤزآرا و توُپارآرا دوشوشیقدان سوُنگرا ایلالاشیق شرطنامالارینا قوُل چکیشیلدی.

سوُنگ بوُلسا ایکی یوردونگ یوُلباشچیسی مطبوغات کنفرانسینی گچیردی.

أردوُغان برن بیاناتیندا کوبانینگ ییللاردان بأری یکه تاراپلی چأکلندیرمه لره سزه ور قالدیریلاندیغینا اۆنس چکدی.

تۆرک یوُلباشچی برمودز بیلن بیله، تۆرکیه- کوبا سؤودا موقداری نینگ 200 میلیون دلارا یتیریلمه گی حاقیندا ایلالاشاندیقلارینی نیغتادی.

أردوُغان انرژی، سیاحاتچیلیق، بینأگأرلیک، ساغلیغی ساقلاییش و داشقی قورشاو یالی پوداقلاردا حیذماتداشلیغینگ اؤسدۆریلجکدیگینی آیتدی.

میهمان یوُلباشچی برمودز ده بیوتکنولوژی، سیاحاتچیلیق، اکرانچیلیق، مالدارچیلیق، ساغلیغی قوُراییش و ساپاق و مدنیت پوداقلاریندا قاتناشیقلارینگ یوُقارلادیلجاقدیغینی آیتدی.

أردوُغان برمودزینگ حوُرماتینا رسمی آغشام ناهارینی دا بردی.

تۆرکیه بیلن کوبانینگ آراسیندا 6 ایلالاشیق شرطناماسینا قوُل چکیلدی.