خلوصی آقار، پنچه- قیلیچ هوُوا حرکتی بارادا ماغلومات بردی

دمیرقازیق سوریه و عیراغا قورالان هوُوا حرکتلرینده پ. ک. ک/ ی. پ. گ نینگ 254 ترورچیسی تأثیرسیز یاغدایا گتیریلدی.

تۆرکیأنینگ میللی قوُرانماق وزیری خلوصی آقار آنکاراداقی قوری یر گۆیچلری نینگ باش توتانلیق مرکزینه باردی.

آقار سرحتدأکی قشون باشلیقلاری بیلن ویدئوکنفرانس آرقالی دوشوشدی.

سوریه بیلن عیراغینگ دمیرقازیغینداقی پنچه- قیلیچ هوُوا حرکتی بارادا ماغلومات برن تۆرکیأنینگ میللی قوُرانماق وزیری شیله دیدی:

"شو واغتا چنلی 471 یر اورولدی. 254 ترورچی دا تأثیرسیز یاغدایا گتیریلدی. ترورچیلارینگ قاباناندیغی بس بِللی چۆنکی عسگر- یؤنه کی یورتداش دیمأنی ساغا سوُلا اوُد آچمانا باشلادیلار. شونونگ اۆچین اوُلارینگ سسینی اینگ چالت یاغدایدا کِسمِه‌لیدیرس"

تۆرک عسگرلرینه یۆزلِه‌نیپ "تۆرکیه و تۆرکیأنینگ یاراغلی گۆیچلری بیلن اوُیونالماز، مونونگ حاسابی سوُرالار" دیه ن خلوصی آقار "حاساپلاشماق واغتی. یؤنه کی رایاتیمیز، عسگریمیز، آرادان چیقان شهیتلریمیزی، شوُل چاغاجیقلار، زنانالار، قیزلار، اوُقووچیلار و موغاللیملارینگ قانلاری نینگ هر بیر دامجاسی نینگ حاسابینی سوُراریس" دییپ بیلدیردی.

تۆرک وزیر "بیزینگ یکه جه ماقصادیمیز بار. ترورچیلار. اوُلار کیم: پ. ک. ک، ی. پ. گ، پ. ی. د و داعش" دیدی.

تۆرکیأنینگ یاراغلی گۆیچلری 19-نجی نوُیابردا سوریه بیلن عیراغینگ دمیرقازیغیندا پ. ک. ک / ی. پ. گ ترور قوراماسینا قارشی پنچه- قیلیچ حرکتینی باشلادیپدی.