سلیمان سوُیلو استقلال کؤچهسینده بوُلان ترورچیلیقلی هۆجۆم بارادا ماغلومات بردی
ایستامبول داقی پارتلامادا یارالانانلارینگ 57-سی کِسِلحانادان چیقدی
تۆرکیأنینگ ایچری ایشلر وزیری سلیمان سوُیلو دۆین ایستامبول دا استقلال کؤچه سینده بوُلان پارتلامانینگ جوُغاپکأری نینگ توسساغ ادیلندیگینی بیلدیردی.
سوُیلو "اوُندان اوُزال دا 21 آدام توسساغ ادیلدی" دیدی و هۆجۆمچی نینگ پ. ک. ک/ پ. ی. د ترور قوراماسینا دِگیشلی بوُلاندیغینی تاصصیقلادی.
سلیمان سوُیلو "ترورچیلار توسساغ ادیلدی. اگر توسساغ ادیپ بیلمأن بوُلسادیق یونانا قاچیریلماق ایسله نیأردیلر"دیدی.
تۆرک وزیر، ترورچی بیلن بیله لیکده "بو ترورچیلیغی ایسله یأن تاراپ، قوران تاراپ و ترور قوراماسی تاراپیندان ترورچی نینگ اؤلدۆریلمه گی اۆچین ایبریلن تاراپی دا توسساغ اتدیک" دیدی.
تۆرکیأنینگ ایچری ایشلر وزیری "آمریکانینگ ایلچیحاناسی نینگ دویغوداشلیغینی دا قابول اتمه یأریس" دییپ سؤزلرینه قوُشدی.
ایستامبول ینگ بی اوُغلو محله سیندأکی تقسیم میدانی نینگ استقلال کؤچه سینده بوُلان ترورچیلیقلی بمبالی هۆجۆمده 6 آدام آرادان چیقیپدی.
ایستامبول ینگ ولایات حأکیمی علی یرلیقایا یارالانانلارینگ 57-سی نینگ کسلحانادان چیقاندیغینی بیلدیردی.
یرلی قایا "یارالانانلارینگ 18-ی کسلحانالارداقی سرویسلرده، 6 کسِلیمیز ده آغیر یاغدای بؤلۆمینده بجرگی آلیار. ایکی کِسِلیمیزینگ ساغلیق یاغدایی آغیر" دیدی.
ایستامبول ینگ یاشاییجیلاری ترورچیلیقلی هۆجۆمینگ بوُلان یرینه گۆل قوُیدی.
دِگیشلی حابارلار
تۆرکیه بیلن فلسطین ینگ آراسیندا ایکی ایلالاشیق قابول ادیلدی
تۆرکیأنینگ بیک میللت مجلیسینده تۆرکیه بیلن فلسطین ینگ آراسیندا قوُل چکیلن ایلالاشیقلار قابول ادیلدی
تۆرکیه ترورچیلیق بیلن گؤرهشه دوُوام ادیأر
11 ولایاتدا ترورچیلار تاراپیندان قوللانیلیان 92 قوُواق و هین یوُق ادیلدی