چاووش اوُغلی یونان دوُلانشیغی نینگ آصیلسیز سؤزلرینه جوُغاپ بردی

تۆرکیأنینگ داشاری ایشلر وزیری مولود چاووش اوُغلی یونان بیلن اژه دنگیزیندأکی آدالار مسئله سینده بوُلان دارتغینلیق حاقیندا "بیز دنگیزیاقالاریمیزدا توسساغ ادیلمه گی آصلا قابول ادیپ بیلمه‌ریس. یونان ینگ هوُوا گینگیشلیگی باراسینداقی اؤنگه سۆریأن سؤزلری ده باشغاچا گنگ زات" دیدی.

چاووش اوُغلی پایتاغت آنکارادا گچیریلن " تۆرک داشاری سیاساتیندا اژه و گۆن دوُغار آق دنگیز" تِمالی پانلده بیانات بردی.

چاووش اوُغلی اژه دأکی دارتغینلیق بیلن باغلانشیقلی،

"بیزینگ برن جوُغاپلاریمیز یونان-ینگ قاهارینی گتیردی. حقوقی بیاناتلاردان اؤرأن بینجالیق بوُلدولار" دیدی.

تۆرکیأنینگ داشاری ایشلر وزیری بو جوُغاپلار بیلن آتن ینگ پروپاگانداسی نینگ پوجا چیقماغا باشلاندیغینی آیتدی.

تۆرک وزیر "بیز دنگیزیاقالاریمیزدا توسساغ ادیلمه گی آصلا قابول ادیپ بیلمه‌ریس. یونان ینگ هوُوا گینگیشلیگی باراسینداقی اؤنگه سۆریأن سؤزلری ده باشغاچا گنگ زات" دیدی.

یونان ینگ اتنیکلرینگ حاق و ارکینلیکلرینی توُغتاتاندیغینی آیدان چاووش اوُغلی "اوُلار اوروپانینگ انسان حاقلاری قاضیه تی نینگ برن قارارلارینا تابین بوُلمایارلار" دیدی.

پانل دن سوُنگ ژورنالیستلارینگ سوُراغلارینا جوُغاپ برن چاووش اوُغلی "تۆرکیأنی قارشیلارینا آلماغینگ نأمه بوُلاندیغینی اؤرأن قوُوی بیلیأرلر" دیدی.

تۆرک وزیر آمریکانینگ حاربی مرکزلری بیلن باغلانشیقلی دا،

"بولار روسیا قارشی دیأرلر اِمما ایناندیریجی دأل. آمریکانینگ ترزوسی، قاپانی پوُزولدی. بو ایشلرینگ یونان-ی چؤزگۆتدن اوزاقلاشدیراندیغینی دا آیتدیق" دیدی.