أردوُغان ملازگرد ینگیشی نینگ ییللیغینداقی دابارا قاتناشدی

تۆرکیأنینگ جمهورباشلیغی رجب طیب أردوُغان "گۆن اوُرتا سرحتلریمیزده 30 کیلومتر چونگلوغیندا بیر کریدور بیلن حوُوپسوزلیغیمیزی گارانتی ادیأنچأک ترورچیلیق بیلن گؤره‌شیمیزینگ تاماملانماجاقدیغینی ینه بیر گِزه ک بیان ادیأرین" دیدی.

أردوُغان ملازگرد ینگیشی نینگ 951-نجی ییللیغیندا بیتلیس ولایاتی نینگ آحلات شهرینده گچیریلن دابارا قاتناشدی.

أردوُغان برن بیاناتیندا تۆرکلره آناتولی نینگ قاپیلارینی آچان ملازگرد ینگیشی نینگ 951-نجی ییلیندا ینگیش قازانان اولی سلچوقلی دؤولتی نینگ یوُلباشچیسی آلپ آرسلانی یاد اتدی.

أردوُغان، "یاشلاریمیزینگ آحلات و ملازگرده ایه چیقاندیقلارینی گؤره‌مده اولی و گۆیچلی تۆرکیأنینگ گلجگینه اینامیمیز و 2053-نجی ییل اۆچین گؤزیتیمیمیزه اومیدیمیز یوُقارلایار" دیدی.

أردوُغان "آحلات و ملازگرد مدنیتیمیزینگ یانگاداندان یوُقارلاماغنا بوُلان اینامیمیزینگ آدیدیر. دوُستلاریمیزا اینام، دوشمانلاریمیزا قوُرقی سالان گۆیجۆمیزینگ ثبوتیدیر" دیدی.

تۆرکیأنینگ یوُلباشچیسی "یوردومیزینگ حوُوپسوزلیق باراداقی مسئله لرینه و اؤز پلانلاریمیزا گؤرأ حرکتلریمیزه دوُوام ادریس. بیر گیجه چالت یاغدایدا گلیپ بیلریس. هم ده هر یره گلیپ بیلریس" دیدی.

أردوُغان "ترور قورامالاری نینگ باشینی یره سۆیکه‌دیک شیله ده دوُوام ادیأریس" دییپ نیغتادی.