أردوُغان: دهوک دا ترورچیلیقلی هۆجۆمی ترور قوراماسی قورادی
تۆرکیأنینگ جمهورباشلیغی ت. ر. ت تلویزیون کانالینا بیانات بردی
تۆرکیأنینگ جمهورباشلیغی رجب طیب أردوُغان عیراق داقی آیرالیقچی ترور قوراماسی پ. ک. ک نینگ سوُنگقی هۆجۆمی باراسیندا "پ. ک. ک نینگ همیشهکی ترورچیلیقلی هۆجۆمی نینگ منگزهشی" بوُلاندیغینی آیتدی.
تۆرکیأنینگ جمهورباشلیغی تۆرکیأنینگ رادیو و تلویزیون قوراماسی (ت. ر. ت) کانالیندا بیانات بردی.
گچن هپده عیراغینگ دهوک شهرینده آیرالیقچی ترور قوراماسی پ. ک. ک نینگ تاراپیندان قورالان و 9 یؤنهکی یورتداشینگ آرادان چیقماغینا سبأپ بوُلان هۆجۆم بیلن باغلانشیقلی سؤز آیدان رجب طیب أردوُغان آرادان چیقانلار اۆچین دویغوداشلیق بیلدیردی و
"بو هۆجۆم، پ. ک. ک/ ی. پ. پ- پ. ی. د نینگ همیشهکی ترورچیلیقلی حرکتلری نینگ مِنگزِهشی. مونی بیز بیلیأریس. آمریکالیلار شوُل یاغدایدا آمریکالیلارا، روسلارا گؤزلأنگ بو یاغدای شیله، آلدانمانگ دیدیک. شیله ده مونی عیراقلی دوُستلاریمیزا آیتدیق. برن بیاناتینگیزا اۆنس برینگ. بیز شیله بیر زات اتمهریس. اِمما بو ترور قورامالاری نینگ شو گۆنه چنلی اؤورهنشِن ایشلریندن بیریدیر. بولار تۆرکیه بیلن عیراغینگ آراسینداقی قوُوی قاتناشیقلارا ضلل برمهک ایسلهیأر" دیدی.
أردوُغان گلجک آی قونیه ده گچیریلجک اسلام جبیسلیک اوُیونلارینا عیراغینگ قاتناشماجاقدیغی باراسینداقی سؤزلر حاقیندا دا "قیناندیم. عیراق بیله اتمهلی دألدی" دیدی.
دِگیشلی حابارلار
تۆرکیه بیلن فلسطین ینگ آراسیندا ایکی ایلالاشیق قابول ادیلدی
تۆرکیأنینگ بیک میللت مجلیسینده تۆرکیه بیلن فلسطین ینگ آراسیندا قوُل چکیلن ایلالاشیقلار قابول ادیلدی
تۆرکیه ترورچیلیق بیلن گؤرهشه دوُوام ادیأر
11 ولایاتدا ترورچیلار تاراپیندان قوللانیلیان 92 قوُواق و هین یوُق ادیلدی