أردوُغان ینگ قوُلداوی بیلن غاللا ایلالاشیغینا قوُل چکیشیلدی

تۆرکیأنینگ جمهورباشلیغی رجب طیب أردوُغان تۆرکیأنینگ تاغاللاسی بیلن غاللا باراسیندا گچیریلن "ایلالاشیق بیلن دۆنیأده میلیاردلارچا آدامینگ قیتچیلیق و آچلیق حوُوپی نینگ اؤنگۆنه گچیلندیگینی" آیتدی.

ایستامبول دا اوکراینا بیلن روسیانینگ آراسیندا غاللانینگ قارادنگیز اۆستی بیلن بیله کی یورتلارا ایبرمه ک باراسیندا ایلالاشیق شرطناماسینا قوُل چکیشیلدی.

دابارادا تۆرکیأنینگ جمهورباشلیغی رجب طیب أردوُغان بیانات بردی.

أردوُغان برن بیاناتیندا "بۆتین دۆنیأنی اوزاق واغتدان بأری مشغول ادن گلوبال قیتچیلیق دارتغینلیغینی چؤزگۆده قوُوشورجاق بیر ایشه قوَان قوُشاندیمیز بیلن بویسانچ یاشایاریس" دیدی.

تۆرک یوُلباشچی "اؤنگۆمیزدأکی گۆنلرده قارادنگیزده باشلاجاق گأمی قاتناوی بیلن دۆنیأنینگ کؤپ یوردونینگ ایچی دینچ بوُلوپ بیلر" دییپ بیلدیردی.

رجب طیب أردوُغان "گأمیلرینگ چیقیشیندان حوُوپسوز بیر یاغدایدا ایبریلمه گی و بارجاق یرینه چنلی بۆتین اِتاپلار باراسیندا ایلالاشیلدی. بو اؤردن أهمیتلی ایش و مونونگ کنترل مرکزی ایستامبول دا بوُلار" دیدی.

قوُل چکیشمه داباراسینا قاتناشان بیرلشن میللتلر قوراماسی نینگ یوُلباشچیسی آنتونیو گوترش ده "دۆنیأنینگ مونگا اؤرأن أتیأجی بار. تۆرکیه جمهوریتی، حوُرماتلی جمهورباشلیق رجب طیب أردوُغان بو ایشینگ هر اِتابی سیزینگ تاغاللانگیز بیلن بوُلدی. بو ایلالاشیق آصلیندا بۆتین دۆنیأ اۆچین بوُلان بیر ایلالاشیق" دیدی.

تۆرکیأنینگ جمهورباشلیغی أردوُغان ینگ قوُلداوی بیلن عامالا آشیریلان ایلالاشیق شرطناماسینا تۆرکیه، روسیا، اوکراینا و بیرلشن میللتلر قوراماسی قوُل چکدی.